M. R. Usmanov Turizm geografiyasi udk 911. 3(575. 13)

 
 
 
 
 
 

---

66 
II QISM. XALQARO TURIZMNING REGIONAL 
XUSUSIYATLARI 
6-BOB. JAHONNING TURISTIK REGIONLARI 
(YEVROPA REGIONI) 
Reja: 
6.1. Butunjahon turistik tashkiloti (UNWTO) buyicha regionlar 
6.2.Yevropa regioni turizm geografiyasi 
6.3.Shimoliy Yevropa subregioni 
6.4.G‗arbiy Yevropa subregioni 
6.5.Janubiy Yevropa subregioni 
6.6.Sharqiy va Markaziy Yevropa subregioni
 
 
6.1. Butunjahon turistik tashkiloti (UNWTO) buyicha 
regionlar 
 
 
Butunjahon turistik tashkiloti (UNWTO) Birlashgan millatlar 
tashkiloti tizimidagi nufuzli organ bo‗lib, unga 1975 yilda asos 
solingan. Tashkilotning tarkibi va ustavi 1975 yil 27 sentyabrda 
qabul qilingan. Butunjahon turistik tashkilotning asosiy maqsadi 
dunyo bo‗yicha turizm iqtisodiy rivojlanishning asosi, tinchlik 
mustahkamlash, xalqlar o‗rtasida bir-birini tushunish, tili, dini va 
irqidan qat‘iy nazar dunyo bo‗yicha erkin aloqasini o‗rnatish, 
shuningdek, rivojlanayotgan mamlakatlarni turizm sohasiga 
qiziqtirish kabi masalalardir. 
Butunjahon turistik tashkilotning ustavida 3 bosqichli a‘zolik 
tartibi joriy etilgan. Jumladan, Butunjahon turistik tashkilotning 
haqiqiy a‘zosi, assotsatsiyalik nomzod, qo‗shilishga nomzod 
davlatlar mavjud. Bugungi kunda Butunjahon turistik tashkilotga 
158 ta davlat haqiqiy a‘zo, 4 ta davlat assotsatsiya (Aruba, Makao, 
Niderlandiyaning Antil orollari, Puerto-Riko), kuzatuvchi sifatidagi 
davlat Vatikan hisoblanadi. 
Butunjahon turistik tashkilot dunyoni 6 ta turistik regionlarga 
bo‗ladi. Lekin bu rayonlashtirishda to‗liq geografik omillar emas 
balki turizmdagi ahamiyati va siyosiy geografik xususiyatlari 
inobatga olingan. Jumladan; 

---

67 
1.
Yevropa turistik regioni (G‗arbiy, Shimoliy, Janubiy, 
Markaziy va Sharqiy Yevropa subregionlari, shuningdek, 
sobiq Ittifoq davlatlari, Sharqiy, O‗rta dengizida Isroil, 
Kipr, Turkiya); 
2.
Amerika turistik regioni (Shimoliy, Janubiy, Markaziy 
Amerika subregioni, Karib havzasi hududlari va orol 
davlatlari); 
3.
Osiyo-Tinch okeani turistik regioni (Sharqiy va Janubi-
sharqiy Osiyo, Avstraliya va Okeaniya subregioni); 
4.
Afrika turistik regioni (Misr va Liviyadan tashqari barcha 
Afrika davlatlari); 
5.
Janubiy Osiyo turistik regioni (Janubiy Osiyodagi barcha 
davlatlar); 
6.
O‗rta Sharq turistik regioni (Turkiya va Isroildan tashqari 
barcha G‗arbiy va Janubiy G‗arbiy Osiyo davlatlari).