М. М. Мусаев компьютер тизимлари ва тармоқлари

Умумий шинали архитектура.
- марказлаштирилган бошқариш қурилмаси билан.
Умумий шинанинг тузилиши ва интерфейслари асосан шиналари ички уланишга хизмат қиладиган бир процессорли тизимларга ўхшайди (7.12-расм). Вақти бўлинган умумий шина асосидаги коммуникация тизимларининг афзаллиги ва камчилиги етарли даражада олдинроқ муҳокама қилинган. SMP – тизимларга қўллаб шуни белгилаш керакки, физик интерфейс, ҳамда манзиллаш мантиқи, арбит­раж ва вақтнинг тақсимланиши бир процессорли тизимлардагидек қолади.

Умумий шина ўзига кўп сонли процессорларни улаш йўли билан тизимни осон кенгайтириш имконини беради. Бундан ташқари, шина - бу, асосан пассив муҳит бўлиб, унга уланган қурилмаларнинг бирортаси бузилса, бутун жамламанинг ишдан чиқишига олиб келмайди. Шу билан бирга умумий шина асосидаги SMP - тизимларга шинали ташкил қилишнинг камчилиги бўлган – унумдорликнинг паст бўлиши: тизимнинг тезлиги шина циклининг вақти билан чегараланганлиги ҳам хосдир. Шу сабабдан ҳар бир процессор кэш – хотира билан таъминланган, бу шинага мурожаатлар сонини жиддий равишда камайтиради. Кўпчилик кэшларнинг борлиги уларнинг когерентлик муаммосини туғдиради ва бу умумий шина асосидаги тизимнинг жуда кўп бўлмаган процессорларга эга бўлмаслигининг асосий сабабидир. Шундай Compaq AlphaServer GS140 ва 8400 тизимларида 14 та Alpha 21264 процессорларидан ошмайди. HPN9000 SMP – тизими максимал вариантда РА-8500 8 та процессордан ташкил топган, IBM фирмасининг RS/6000 учун SMP Thin Nodes тизими эса ўзида иккитадан тўрттагача PowerPC 604 процессорларини сақлайди.

SMP – тизимларда х86 процессорларида қурилган умумий шинали архитектура кенг тарқалган. Бу гуруҳга DELL Power Edge, IBM Nettlnity, HP NetServer киради.
Коммутаторли архитектура.
“Кроссбар” туридаги коммутаторли архитектура (7.13-расм) умумий хотирани модулли қурилишига мўлжалланган ва умумий шинали тизимнинг ўтказиш хусусиятини чекланганлик муаммосини ҳал қилиш учун чиқиралган.
Коммутатор процессор ва хотира банки орасидаги кўпгина йўлларни таъминлайди, бунда боғланиш топологиялари ҳам икки ўлчамли, ҳам уч ўлчамли бўлиши мумкин. Натижа умумий шина ҳолатига қараганда кўпроқ процессорга эга бўлган SMP – тизимини қуриш имконини берувчи юқорироқ ўтказиш полосаси бўлади. Матрицали коммутатор асосидаги SMP – тизимларда процессорларнинг типик сони 32 ёки 64 та бўлади. Белгилаб ўтиш керакки, қачонки ҳар хил процессорлар ҳар хил хотира банкига мурожаат қилса, унумдорликдан ютуққа эришилади.

Бу архитектурага мисол қилиб, Sun Microsystems фирмасининг Gigaplane-XB матрицали коммутатори (кроссбар 16х16) воситасида хотира билан боғланган 64 та процессордан ташкил топган Enterprise 10000 тизимни келтириш мумкин. IBM да «кроссбар» типидаги RS/6000 Enterprise Server Model S70 коммутатор 12 та RS64 процессорининг ишини таъминлайди. Compaq фирмасининг ProLiant 8000 ва 8500 SMP - тизимларида 8 та Pentium III Хеоп процессорини бирлаштириш учун бир нечта шина ва кроссбар комбинацияси қўлланган.