M. M. Axmetjanov, sh sh. Olimov, S. S. Avezov. P e d a g o g I k mahorat

XULOSA 
 
O`zbekiston Respublikasining “Ta`lim to`g’risida”gi qonuni va “Kadrlar 
tayyorlash milliy dasturi”da har tomonlama etuk mutaxassis kadrlar tayyorlashning 
mohiyati, zaruriyati, zamonaviy fan va texnikaning rivojlanish talablariga mos, 
barkamol avlodni tarbiyalash masalalari izchillik bilan tahlil etilgan, dolzarb vazifalar 
va ularni amalga oshirish chora-tadbirlari belgilab berilgan. Shu bois, tinglovchilarni 
hozirgi zamon talabi ruhida tarbiyalash, olingan nazariy bilimlarni amaliyotda 
qo`llash, ko`nikma, malakalarini shakllantirishga qaratilgan ko`pgina ta`lim-tarbiya 
vositalari, uslubiy shakl yo`riqlari mavjud. Jumladan, bu borada tinglovchilarni 
hayotga tayyorlashda ko`p asrlar davomida qo`llanilgan usullar, vositalar, tadbir 
shakllari, urf-odatlar va an`analar, g’oyalar, hayotiy tajribalardan iborat namunalar 
majmuasidir. 
O`quv qo`llanmada mualliflar pedagogik mahorat va nutq madaniyati talablari 
asosida faoliyat yuritish zarurligi bilan tanishtirish, pedagogik mahorat elementlari, 
pedagogik faoliyatda ularni qo`llay bilish, nutqning ta`lim - tarbiya jarayoniga ta`sir 
ko`rsatishi, pedagogik muloqot funktsiyalari, tuzilmasi va turlari, pedagogik texnika 
elementlari, uni egallash yo`llari, pedagogik mahorat va nutq madaniyatining 
mazmuni, mohiyati, notiqlik san`ati, undan foydalanish, yo`l qo`yiladigan ba`zi 
kamchiliklar ustida ishlash, nutq texnikasi, til va nutqning qiyosiy tahlili, pedagogik 
ta`sir ko`rsatish usullari xususida fikr yuritdilar. Tinglovchilarning faoliyatida 
nazariy – metodologik asoslar, mazmun, funktsiya, ularning vazifalari, o`quv – 
tarbiya jarayonini boshqarishda o`qituvchi va tarbiyachi mahorati aniq dalillar 
asosida yoritildi.
Maqsadimiz – tinglovchilarga, xususan, pedagogik ma`lumoti bo`lmagan 
bakalavr yoki diplomli mutaxassis darajasidagi, ta`lim tizimida faoliyat olib 
borayotgan kadrlar, faoliyatini endigina boshlagan o`qituvchi-tarbiyachilar, 
pedagogik faoliyatga tayyorlanayotgan talabalarga pedagogik qobiliyat va texnikani 
egallash hamda takomillashtirish haqida ma`lumot berishdan iborat.
Ushbu o`quv qo`llanmada kamchiliklar, hali qiyomiga etmagan fikrlar bo`lishi 
mumkin. Shu sababdan sizning fikr-mulohazalaringizni kutamiz va keyingi 
nashrlarda, ularni albatta inobatga olamiz. 

---

252