M. F. Ziyayeva, O. Z. Rizayeva

Osteofollikulit  –  aksariyat  hollarda  bola  issiqlab  ketganda, 
gigiyenik parvarishdagi  nuqsonlar  natijasida,  teri  bichilganida, 
kimyoviy  yoki  mexanik  ta’sirlanishlarga  uchraganda  kelib 
chiqadi.
 
Kasallik  tarang  tortilgan,  konussimon  yuza  pustula 
ko‘rinishida  badanning  har  qanday  tuk  yoki  soch  bo‘ladigan 
sohalarida paydo bo‘lishi mumkin. Pustulalarning o‘rtasida bitta 
tuk  chiqib  turadi  va  tagi  sutdek  oppoq  yoki  qaymoqsimon 
suyuqlik  bilan  to‘lgan  bo‘ladi.  Noqulay  sharoitlar  natijasida 
yallig‘lanish  jarayoni  atrofdagi  teriosti  yog‘  qavatiga  ham 
tarqaladi  va  furunkulga  aylanadi.  Bunda  bolaning  ahvoli  yana 
ham og‘irlashadi, tana harorati ko‘tariladi, injiq, ko‘p xarxasha 
qiladigan va uyqusiz bo‘lib qoladi.
 
Vaqtida  tegishli  choralar  ko‘rilmasa  hamda  zaif,  chala 
tug‘ilgan, anemiya bilan kasallangan va uglevodlar almashinuvi 
buzilgan  bolalarda  furunkullar  birin-ketin  chiqaveradi  va 
boladagi bu holat furunkulyoz deb ataladi.
 
Teridagi yiringli kasalliklarning haddan ziyod keng va chuqur 
tarqalishi  va  davolash  jarayoniga  yetarli  e’tibor  qaratilmasligi 
sepsis kasalligi rivojlanishining asosiy omili hisoblanadi.
 

---

 
101