M. Dáwletov, e. Dáwenov, D. SeyDUllAevA

tárbiyalasaq,  ol  sonshelli  ónim  beredi.  («E.Q.») 2. Men 
onıń  jáne  bir  nárse  aytqanın  jaqsı  kórip  úmitlendim, 
biraq ol hesh  nárse  aytpadı.  (M.K.)  3.  Mırzashólde 
jańa  jerler  ózlestirildi  hám suw ákelindi.  Onda  úlken 
qurılıs  isleri  pitkerilip,  burınǵı  quwraǵan  quw  dalada 
pútkilley  jańa  sháhárstanlıq  payda  boldı.  (Ó.X.)
Bul  gáplerdiń  hámmesi  de  qospa  ǵap.  Olar  eń 
kemi  eki  jay  gápten  dúzilip,  bir  pútin  qospa  oydı 
bildiredi.  Qospa  gáptiń  quramındaǵı  hárbir  jay  gáptiń 
óz  aldına  baslawısh  hám  bayanlawıshı  bar.  Olar  qàrà 
hárip  penen  jàzıp  kórsetilgen.
Eki  yamasa  birneshe  jay  gáplerdiń  mánilik  hám  in-
tonaciyalıq  baylanısınan  dúzilgen  gáplerge  qospa  gáp 
delinedi.
80-shınıǵıw.  Gáplerdi  oqıp  shıǵıń.  Olardıń  ishinen  dáslep  jay 
gáplerdi,  sońınan  qospa  gáplerdi  terip  kóshirip  jazıń.  Olardıń  bir-
birinen  ayırılıp  turatuǵın  grammatikalıq  ózgesheligin  túsindiriń.
Oqıwshılardı  tarqatıp,  demalısqa  shıqqan  kúni  Toqjan 
shofyor  jem  alıp  qaytıw  ushın  kolxozǵa  júrmekshi  boldı. 
Men  de  tayar  mashinaǵa  ilestim,  istiń  sáti  tústi.  Bulay 
bolmaǵanda  bir-eki  kún  irkilip  qalıw  múmkin  edi.
Men  chemodanımdı  jerden  kóterip  alıwǵa  meyil  berge-
nimde,  ishke  Aybergen  aǵa  kirip  keldi.  Mashina  turǵan 
jerge  shekem  Jaybergen  uzatıp  saldı.  Mashina  jerdegi  qar 
ústine  jawǵan  qırpıqlarǵa  bujır-bujır  iz  salıp,  áste  alǵa  jıljıdı. 
Sol  waqıtta  men  kabinanıń  artqı  áyneginen  basımdı  burıp 
qarasam,  men  mashinaǵa  mingen  jerde  Jaybergen  qolın  sil-
tep  izimnen  ele  qarap  tur  eken.
Avtobus  Shımbay  shayxananıń  aldındaǵı  keń  maydanǵa 
kelip  toqtadı.  Men  úyge  kirip  kelgenimde,  Jaybergennen 
basqa  heshkim  joq  edi.  Biz  ekewimiz  ájik-gújik  sóylesip 
otırǵanda,  sırttan  Marjan  sheshey  kirip  keldi.  (Ó.X.)
81-shınıǵıw.  Berilgen  gáplerdi  kóshirip  jazıń.  Hárbir  gáptegi 
baslawısh  hám  bayanlawıshtıń  tallaw  úlgisi  boyınsha  astın  sızıń. 
Grammatikalıq  tiykarlarınıń  sanına  qaray,  olardıń  dúzilisin  anıq-
lań.
http://eduportal.uz

---

60
Bizlerdi  arba  quwıp  jetti.  Bizler  Oksana  ekewimiz  jáne 
oǵan  otırıp  aldıq.  Arba  aq  úyge  jaqınlańqırap,  terek  astına 
kelip  toqtadı.  Aǵam  menen  Petro  aǵay  úyge  qaray  ketti, 
al  bizler  apam  menen  attıń  qasında  qaldıq.  Úydiń  qasında 
jıltıraǵan  relsler  jatır,  olar  hesh  jerde  pitpeytuǵın  qanday  da 
bir  sheksiz  alıslarǵa  ketedi.  Bul  relsler  boyınsha  poezddıń 
degershikleri  dóńgeleydi.  Úydiń  aldına  tep-tegis  úlken  taslar 
qalanǵan.  Tek  olar  bul  jerde  kóp,  biriniń  ústine  ekinshisi 
qalanıp,  olar  boyınsha  adamlar  júredi.  Apam  Oksana  ekewi-
mizdiń  qolımızdan  jetelep,  bizler  de  usı  tegis  tastıń  ústi 
menen  júrdik.  Apam  sóylemeydi  de,  úndemeydi  de.  (M.K.)