M. Dáwletov, e. Dáwenov, D. SeyDUllAevA

ata  JURtÍ  túRKStaN
Túrkstan 
toǵız 
jol 
túyisken 
Shıǵıs 
Kárwan 
jolı 
oraylarınıń  biri  edi.  Bir  waqıtları  Orıs  xan  bul  jerdi  oraylıq 
qalaǵa  aylandırıp,  Noǵaylı  eliniń  paytaxtı  bolǵan.  Oqqas 
Otırarǵa  kelip  otawın  tigip,  Sıǵnaqtan  saray  saldırǵan.  Onıń 
ulı  Muwsa  Jayıqqa  qaray  qashqannan  keyin  de  bul  jerde 
ádewir  búlginshilikler  bolǵan.
Sońınan  Shaybanı  xan  kelip  sháhárdi  iyeledi.  Usınday 
sebepler  menen  Túrkstanda  ózbek,  qazaq,  qaraqalpaq  xalıq-
ları  aralasqan,  bir  mámleket  payda  boldı.
Qaraqalpaqlar  bul  jerdi  «Ata  jurtı  Túrkstan»  dep  ataydı. 
Bul  at  negizinen  Oqqas  zamanınan  qalǵan  bolsa  itimal. 
Noǵaylılar  bir-biri  menen  kelispey  qalsa,  dárhal  «Ata  jurtı 
Túrkstanǵa  kóshemiz»,  dep  qızıl  gegirdek  bolıp  atırǵanı. 
Bul  jerge  qaraqalpaqlardıń  bir  bólegi  bir  mıń  bes  júz  eliw 
segizinshi  jılı  kóship  kelgen.  Ózlerin  «Qaraqalpaq»  dep  atap, 
Sıǵnaq  átirapın  jaylaydı  eken.  (K.M.)