M. Dáwletov, e. Dáwenov, D. SeyDUllAevA

lespeydi  de,  dógeregine  qaramaydı.  (I.Q.)  Dáryanıń  eki 
jaǵası  jasıl  aq  terektey  sallanǵan  qamıs,  pishen,  je-
ken. (K. S.)
127-shınıǵıw.  Kóshirip  jazıń.  Birgelkili  baslawıshtıń  astın  sı-
zıp,  onıń  qaysı  aǵza  menen  baylanısıp  kelgenin  hám  bildiriliwin 
anıqlań.
1. Ótkinshi  de,  ketkinshi  de,  bazarshı  da,  shopan  da, 
sharwa  da  usılar  haqqında  soraytuǵın  edi.  (J.A.)  2. Serjan 
da,  Ámet  te  wádeli  kúni  kelmedi.  (T.Q.)  3. Gúdi  biyiklegen 
sayın  basına  qamıs  shıǵarıw,  tasıw  qıyınǵa  tústi. (Ó.A.) 
4. Maqtap  otırǵanı,  ya  basqa  nárse  oylap  otırǵanı  tosınnan 
http://eduportal.uz

---

91
aralasqan  adamǵa  belgisiz.  (Ó.A.)  5. Shananıń  shıqırlısı,  at-
lardıń  dúbiri,  adamlardıń  shawqım-súreni  teńiz  ústin  bazar 
etti.  (K.S.)
128-shınıǵıw.  Oqıń.  Birgelkili  bayanlawıshtıń  qaysı  aǵzaǵa  qat-
naslı  ekenin  hám  bildiriliwin  túsindiriń.
1. Ol  gúpisiniń  jaǵasın  jaqsılap  qımtadı  da,  qardı  sıqır-
latıp  júrip  ketti.  (T.Q.)  2. Bir  jerde  kórgenge  shıramıttım, 
biraq  esley  almadım.  (Sh.S.)  3. Bul  kóldiń  qamısı  menen 
jekenin  paydalanǵan,  qus  atqan.  (I.Yu.)  4. Nurjamal  tórge 
quraqlı  kórpeshe  jayıp,  dastıq  tasladı.  (K.S.)  5. Qublanıń 
samalı  jumsaq,  jaǵımlı.  (T.Q.)  6. Kúsh  bizde,  sende,  anaw 
jigitte,  xalıqta.  (A.Bek.)
129-shınıǵıw.  Kóshirip  jazıń.  Birgelkili  bas  aǵzalardıń  astın  sı-
zıp,  olardıń  qanday  qurallar  arqalı  baylanısıp  kelgenin  hám  bayla-
nısıw  mánilerin  anıqlań.
1. Traktordıń  gúrildisi,  mashinanıń  gudogi,  baltalardıń  to-
qıldısı,  adamlardıń  ǵawırlısı  usı  kárada  úlken  jumıslardıń  is-
lenip  atırǵanınan  xabar  berip  tur.  (J.Sap.)  2. Biz  ekewimiz 
ástelep  dalaǵa  shıqtıq  ta,  kól  jaǵalap  qıdırıp  kettik.  (Á.T.) 
3. Biziń  uranımız  hadal  miynet  etiw,  oqıw,  islew. (X.Sap.) 
4. Dawıl  birese  páseyip,  birese  kúsheyip  ketedi.  (K.S.) 
5. Ilimpaz  da,  jazıwshı  da  bilimdi  mektepten  aladı.  («E.Q.»)