M. A. Xujamberdiyev

5-masalaga javob. 
1. Surunkali alkogolizmga uchragan bemorlarda ko‘pincha 
pnevmokokkli pnevmoniya bo‘lganligi uchun u o‘pka abssessi bilan asoratlanadi. Shuning uchun 
pensillin bilan davolash foyda bermaydi va kasallik belgilarining kuchayishi (zaharlanish 
belgilarining kuchayishi, xidli yiringli balg‘am ajralishi), kon analizidagi o‘zgarishlar 
(kamqonlik neytrofilli leykotsitlarning chapga siljib ko‘payishi), rentgen manzarasining 
o‘zgarishi bu kasallikni tasdiqlaydi. Kasallikning birdaniga boshlanishi va ikki oy ilgari 
rentgenda o‘zgarish bo‘lmaganligi O‘pka kistasi va o‘smasi borligini tasdiqlamaydi. Infiltratli va 
disseminatsiyali o‘pka siliga rentgen manzarasi o‘xshamaydi. 
2. Davolash uchun iloji boricha bo‘shliqdan ko‘prok yiring chiqarib tashlanib, aseptik 
dorilar bilan sanasiya qilish va antibiotiklar yuborish kerak. Yana immunoglobulinlarni 
ko‘paytiruvchi dorilar (qon zardobi, immunoglobulinli, T- faol dorilar) berish kerak. 
6-masalaga javob.
1. Tahlil qilingan klinik tashhis: surunkali yiringli bronxitning 
qaytalanmagan davri bo‘lib, bronxoektazlar, o‘pka emfizemasi, diffuz pnevmoskleroz va 
restriktiv turdagi I—II darajali nafas yetishmovchiligi bor. Tashxis asosan anamneziga (ko‘p 
vaqtlardan beri yiringli balg‘am ajratgani, vaqti-vaqti bilan kasallikning qaytalanib turishi), 
rentgen tekshirishlarida katta bo‘shliqlarning bo‘lishi, o‘pka rasmining shakli buzilganligi va 
tashqi funksiyasi buzilishiga qarab qo‘yilgan. 
2. Antiseptik suyuqlik va antibiotiklar berish, bronxlarni yuvish hozirgi vaqtda eng zarur 
davolash chorasidir. Antibiotiklar kasallangan joyga to‘g‘ridan-to‘g‘ri ta’sir qiladi va bronxlar 
o‘tkazuvchanligini oshiradi. Parenteral yo‘l bilan penitsillin yoki keng doirada ta’sir qiluvchi 
antibiotiklar yuborish yaxshi natija bermaydi, chunki pnevmoskleroz bor joylar orqali 
antibiotiklarni kasallangan o‘pka qismiga kirishi kiyinlashadi. Shuning uchun antibiotiklar 
parenteral yo‘l bilan yuborilmaydi. Bemorning bronxlarida spazm bo‘lmay, balki quyuq balg‘am 
bo‘lganligi uchun eufillin va boshqa bronxolitiklar yuborish foydasiz hisoblanadi. O‘pkaning 

---

ikkala tomonida bronxoektazlar bo‘lganligi uchun, uni jarrohlik yo‘li bilan davolab bo‘lmaydi.