M. A. Azizov umumiy gigiyena va ekologiya tibbiyot kollejlari uchun o‘quv qo‘llanma To‘rtinchi nashri

Yuqumli bemorlar qabul qilingandan so‘ng qabulxona albatta dezinfeksiyalovchi suyuqlikka namlangan latta bilan artilishi lozim.
Tug‘ruqxona-qabulxona, doyaxona, ko‘rish bokslari, tug‘uvchi ayol uchun sanitariya ko‘ruv hamda tug‘ruqxonadan chiquv- chilarning hujjatlarini rasmiylashtirish xonalaridan iborat bo‘ladi. Filtr xonada homilador ayollarning tana harorati o‘lchanadi, qisqacha anamnez yig‘iladi, epidemiologik sharoit, yiringli teri kasalliklari, gripp, angina va boshqa kasalliklar bor-yo‘qligi aniqlanadi. Homilador ayolda patologiya va yiringli kasalliklar bo‘lib isitmalayotgan bo‘lsa, bokslarga joylashtiriladi. Boks, dushxona, hojatxona hamda tuvakni yuvish moslamalari bilan jihozlanadi.
Palatalardan tashkil topgan bo‘limlar (seksiya) dan iborat. Bemor davolanadigan palata bo‘limning asosiy xonasi hisoblanadi. Bo‘limlar 1, 2, 3 va 4- bemor uchun 2—4 karavotlik

27-rasm. A — shluz, B — ko‘rik xonasi, C — tambur:

1 — kushetka; 2 — stolcha; 3 — kursi; 4 — zambillar;
5 — bemorning narsalari uchun ilgak; 6 — chig ‘anoq; 7 — unitaz.


6—8 palatadan va ikkitadan kam bo‘lmagan bir karavotlik (og‘ir kasallar uchun) palatadan tuziladi. Karavotlar oralig‘i 0,9—1 metrdan kam bo‘lmasligi kerak (28-rasm).
Bolalar palatasida kasalxona ichida yuqumli kasalliklar tarqal- masligi uchun karavotlar orasiga to‘siqlar (shirma) yoki oynali romlar o‘rnatiladi.
Bolalar bo‘limining 1 yoshgacha bo‘lgan bo‘limida (chala tug‘ilgan bolalar, hayotining birinchi oyidagi va 1 oylik bo‘lgan bolalar uchun) 24 ta karavot bo‘lishi kerak (har sakkiz karavotga 1 ta hamshira xizmat o‘rni tashkil qilinadi). Palatada yo‘rgak stoli, tarozi, bolalar emiziladigan stol, vanna va chig‘anoq bo‘lishi kerak.
Palataga kiraverishda 2,8 metr balandlikka bakteriotsid lampa o‘rnatiladi, palataga (har bir karavot boshiga) maxsus kislorod berish moslamasi o‘tkaziladi.