M. A. Azizov umumiy gigiyena va ekologiya tibbiyot kollejlari uchun o‘quv qo‘llanma To‘rtinchi nashri

6 mg G‘02 dan ortiq bo‘lmasligi havo sofligining sanitariya ko‘rsatkichlari hisoblanadi.

Qishda va faslning almashinuvi vaqtida ko‘pchilik bemorlar uchun eng ma’qul harorat 19—22 gradus atrofida bo‘ladi, yozda 24 gradusgacha bo‘lishi mumkin. Bemorlar yalang‘och holatda bo‘ladigan xonalarda, jarrohlik xonasida, tug‘ruqxonada, vannaxonada) havo harorati 24—25 gradus, yara bog‘lash xona­sida esa 22 gradusdan past bo‘lmasligi kerak.
Intensiv terapiya palatalari, yurak-tomir kasalliklari bor palatalarga konditsioner qo‘yish kerak. Deraza oynasi sathining polga nisbatan 1:5—1:7 bo‘lishi, TYOK-1 foizdan kam bo‘lmasligi kerak, buning uchun palatalarning shamol oqimiga nisbatan joylashishi hamda iqlimiy tumanlarda janubga qaraganda erishiladi.
Palatalardagi cho‘glanma lampalarda kamida 30 lk va lumi- nessent (oq rangli) lampalar 100 lk yorug‘lik beradigan bo‘lishi lozim. Yorug‘likni qaytaradigan va yarimqaytaradigan yorit- kichlar ham qo‘llaniladi, yaxshisi, har bir karavotning bosh tomoniga poldan 1,6—1,8 metr balandlikda devorga yoritkichlar o‘rnatgan ma’qul. Yoritkichlar yuqori va pastki sathga yorug‘lik berishi kerak. Yorug‘likni pastga qaragan oqimi o‘qish va oddiy tibbiy muolajalar uchun zarur yorug‘lik (150—300 lk) berishi lozim.
Palataning eni (tashqi devor bilan ichki devor oralig‘i) 6 metrdan oshmasligi, kengligi 2, 4 metrdan kam bo‘lmasligi kerak.
Bo‘limda palatadan tashqari — bufet, oshxona, romli ayvon (bo‘limdagi 50 foiz bola hisobiga har bir bolaga 2, 5 m² sath) muolaja xonasi, vrach xonasi — karavotli xonalar (12 m²) sanitariya xonasi va va hokazo bo‘lishi kerak.
Bo‘limda bir nechta boks va yarimbokslar bo‘ladi. Bemor- larning oshxonada ovqatlanishi ahvolining yaxshilanayotganini, ya’ni sog‘ayotganlarini ko‘rsatadi. Oshxonada o‘tiradigan joylar soni tug‘ruqdan keyin, teri-tanosil, sil, ruhiy kasalliklar bo‘lim- laridagi karavot sonining 80% ini tashkil qilishi, qolganlarida esa bu ko‘rsatkich 60% dan kam bo‘lmasligi kerak.