M. A. Azizov umumiy gigiyena va ekologiya tibbiyot kollejlari uchun o‘quv qo‘llanma To‘rtinchi nashri

«Hamshiralik parvarishi» bo‘limi shahar, tuman, viloyat, respublika ko‘p tarmoqli kasalxonalari qoshida tashkil qilinishi mumkin.

«Hamshiralik parvarishi» kasalxonasi (bo‘limi) keng ko‘kalamzorlashtirilgan hududga ega bo‘lishi va dam olish uchun imkoniyat bo‘lishi kerak. Kasalxona (bo‘lim) ishi asosan be­morlar holatini yengillashtirishga qaratilgan va boshqa kasal- xonalardan farqli ravishda uy sharoitiga mos holatda jihozlangan bo‘ladi.

«Hamshiralik parvarishi» kasalxonasi (bo‘limi) rahbari yoki bo‘lim boshlig‘i mehnat faoliyatiga kamida 10 yil bo‘lgan o‘rta maxsus ma’lumotli feldsher, tibbiyot hamshirasi bo‘lishi mumkin. Markaziy shifoxona bosh vrachi tavsiyasiga binoan vrach ham tayinlanishi mumkin.

«Hamshiralik parvarishi» kasalxonasi (bo‘limi) Davlat tomonidan ta’minlanadi va o‘zining faoliyatini turli jamg‘armalar va tashkilotlar (mahalla qo‘mitalari, Qizil Yarim Oy jamiyati, aholini ijtimoiy muhofaza qilish vazirligi va fuqarolar) tomonidan ajratilgan mablag‘ hisobiga ham amalga oshirishi mumkin.

«Hamshiralik parvarishi» kasalxonsiga (bo‘limga) bemorlar uchastka vrachlari, ba’zi holatlarda tibbiy hay’at tomonidan yuboriladi.

«Hamshiralik parvarishi» kasalxonasida (bo‘limda) ko‘p yillik mehnat tajribasiga ega bo‘lgan hamshiralar, feldsherlar ish olib borsa maqsadga muvofiq bo‘ladi.

«Hamshiralik parvarishi» kasalxonasi (bo‘limi) rahbarining buyrug‘i bilan kasalxonaga mutaxassis vrachlar biriktiriladi, ular kasalxonaga yangi kelgan bemorlarni va haftada 1 marta hamma bemorlarni nazoratdan o‘tkazadilar.

12. 
    §. KASALXONA MAYDONI VA BINOSINI QURISHGA QO‘YILADIGAN GIGIYENA TALABLARI