Луғат. Тузувчилар: Абулқосимов Ҳ. П., Абулқосимов М.Ҳ

Маркетолог - 
маркетинг жараёнини бошқариш тизимида 
ишлайдиган киши. М. юқори лавозимдаги раҳбарлар 
берадиган режа асосида истеъмолчиларнинг талабини назарда 
тутган ҳолда фирма режасини ишлаб чиқади. М. 
компаниянинг фаолият тарзини белгплаш, савдо маркаларига 
харидорларни жалб қилиш, янгиликларни қўллаш орқали 

---

- 237 - 
сотувнинг ҳажми-ни ошириш, ўнғайсиз ҳолатлардан чиқиш 
учун йўл топиш ва бошқа вазифаларни бажаради. 
Мартаба 
– бу, ҳақиқатдан эгалланадиган босқичлар 
(лавозимлар, иш ўринлари ва жамоадаги мавқелар) 
изчиллигидир. Мартаба
 
– бу, инсоннинг иш билан боғлиқ 
йиллари мобайнида меҳнат тажрибаси ва фаолияти тааллуқли, 
алоҳида англаб етилган нуқтаи назари ва хулқ-атворидир 
(эгаллаган лавозимларидаги, иш ўринларидаги изчиллик, 
меҳнат ташкилотидаги мавқеининг аҳволи). 
Маршалл плани – 
АҚШнинг давлат котиби Ж. Х. 
Маршалл томонидан 1947 йилнинг 5 июнида илгари сурилди, 
АҚШ томонидан Иккинчи жаҳон урушида вайрон бўлган 
европа мамлакатлари хўжалигини тиклаш ва ривожлантириш 
учун берилган иқтисодий ёрдамдир. Европанинг 17 давлати 
(собиқ СССР ва социалистик йўлни танлаган Шарқий 
Европанинг барча давлатларидан ташқари) аъзо бўлган эди. 
Маршалл режасига кўра 4 йил ичида 14 млрд. долл. ёрдам 
уюштирилди. Кўрсатилган ёрдамнинг 60 %дан кўпроғи Буюк 
Британия, Франция, Италия ва Ғарбий Германияга тўғри 
келган эди. Бу давлатлар иқтисодиёти 50-йиллардан сўнг тез 
ривожланиш даврига қадам қўйди. 
Материаллар
- шундай буюмларки, уларга инсон меҳнати 
сарфланиб, тайёр маҳсулот олинади. Ишлаб чиқаришда ўз 
шаклини сақлаб қийматини тайёр маҳсулотга аста - секинлик 
билан ўтказувчи меҳнат воситаларидан фарқли ўлароқ, меҳнат 
буюмлари ўз қийматини маҳсулотга тўлиқ ўтказиб, ишлаб 
чиқаришда тўла истеъмол қилинади ва ҳар бир ишлаб 
чиқариш циклидан сўнг бошқа меҳнат буюмлари - 
материаллар ишлатилади. 1000-«Материалларни ҳисобга 
олувчи» счетлар корхонага тегишли мавжуд хомашё, ёқилғи, 
эҳтиёт қисмлар, идишлар, сотиб олинган ярим тайёр 
маҳсулотлар ва шунга ўхшаш бойликлар ва уларнинг ҳаракати 
ҳақидаги маълумотларни акс эттириш учун мўлжалланган.