Loyiha toshkent davlat yuridik universiteti

Mahkumlarni intizomiy bo’linmaga kiritib qo’yish tariqasidagi jazoni 
qo’llash xususiyatlari  
 
Ozodlikdan  mahrum  qilish  jazosini  ijro  etish  muassasalarining 
intizomiy bo’linmalariga quyidagilar kiradi: 
manzil-koloniyalar va tarbiya koloniyalarining hibsxonalari; 
umumiy,  qattiq  va  maxsus  tartibli  koloniyalarning  hibsxonalari  va 
kartserlari; 
tergov hibsxonalarining va turmalarning kartserlari.  
 Mahkumlar hibsxonalar va kartserlarga  o’n besh sutkagacha, tarbiya 
koloniyalarining hibsxonalariga esa, o’n sutkagacha bo’lgan muddatga kiritib 
qo’yiladi.  
 
Jazoni o’tash tartibini ashaddiy buzuvchi mahkumlar umumiy, qattiq va 
maxsus  tartibli  koloniyalarning  kartserlariga  olti  oygacha,  ayollar 
saqlanadigan koloniyalarda esa  — uch oygacha bo’lgan  muddatga o’tkazib 
qo’yiladi. 
 
Hibsxonalarga kiritib qo’yilgan mahkumlarga uchrashuv, telefon orqali 
so’zlashuv, oziq-ovqat mahsulotlari va eng zarur narsalar sotib olish, posilka, 
yo’qlov  va  banderollar  olish  hamda  jo’natish,  xatlar  va  boshqa  jo’natmalar 
yuborish  taqiqlanadi.  Ularga  chekish,  stolda  o’ynaladigan  o’yinlardan 
foydalanishga  ruxsat  etilmaydi.  Mahkumlarga  o’zlari  bilan  birga  sochiq, 
sovun,  tish  ‘astasi  yoki  ‘oroshogi,  tish  cho’tkasi  hamda  boshqa  shu  kabi 
narsa  va  buyumlaridan  tashqari,  oziq-ovqat  mahsulotlari,  narsa  va 
buyumlarini olib kirish taqiqlanadi. 
Mahkumlar  har  kuni  muddati  bir  yarim  soatlik  sayrdan  foydalanish 
huquqiga ega.  
 Mahkumlar  intizomiy  bo’linmada  bo’lgan  muddatda  JIEM 
ma’muriyati  ularning  oziq-ovqat  mahsulotlari,  narsa  va  buyumlarini 
saqlanishini  ta’minlaydi.  Bunda  mahkumlarning  oziq-ovqat  mahsulotlari, 
narsa  va  buyumlari  omborxonaga  to’shiriladi  hamda  jazo  chorasi  muddati 
tugaganidan keyin ularga qaytarib beriladi.  
Mahkumlarning  intizomiy  bo’linmada  uzoq  muddat  saqlanishi  tufayli 
oziq-ovqat  mahsulotlari  tabiiy  ravishda  o’z  sifatini  yo’qotganda  tegishli 
dalolatnoma tuziladi va mahkumning roziligi bilan ular yo’q qilinadi. 
 Kartserlarda  mahkumlarga  uchrashuv,  telefon  orqali  so’zlashuv, 
posilka,  yo’qlov  va  banderollar  olish  hamda  jo’natish,  stolda  o’ynaladigan 
o’yinlardan foydalanish taqiqlanadi.  
  

---

169 
 
Intizomiy  bo’linmalarda  saqlanayotgan  mahkumlarga  kitob,  jurnal, 
gazeta  va  boshqa  adabiyotlardan  foydalanishga  ruxsat  beriladi.  Bunda 
mahkumlarga ko’r’a-to’shak, yostiq va yostiq jildi uxlash vaqtida beriladi. 
 
Intizomiy  bo’linmalarda  saqlanayotgan  mahkumlarga  faqat  alohida 
hollarda telefon orqali so’zlashuvga ruxsat etilishi mumkin.  
Umumiy,  qattiq  va  maxsus  tartibli  koloniyalarning  kartserlariga 
o’tkazilgan mahkumlar quyidagi huquqlarga ega: 
oziq-ovqat  mahsulotlari  va  eng  zarur  narsalar  sotib  olish  uchun 
belgilangan  eng  kam  ish  haqi  miqdorining  yetmish  besh  foizigacha  pul 
sarflash; 
har kuni muddati ikki soatlik sayrdan foydalanish.  
Maxsus  tartibli  koloniyalarning,  tergov  hibsxonalari  va  turmalarning 
kartserlarida mahkumlarni yakka saqlash belgilanadi.