Loyiha O‘zbekiston respublikasi adliya vazirligi toshkent davlat yuridik universiteti

Kompleks 
taktik 
usullar 
 
Jinoyatlarni ochish hamda tergov qilish paytida ilgari ko‘rsatib o‘tilgan 
va boshqacha mazmundagi tergovchi harakatlarini tayyorlash hamda 
amalga oshirish yo‘llarini uyg‘unlashtiradi (sodir etilgan jinoyatda o‘z 
aybini inkor etayotgan ayblanuvchini so‘roq qilishda savollarni qo‘yish 
ketma-ketligini tanlash so‘roq qilinuvchining ruhiyati xususiyatlarini, 
uning aybi yuzasidan to‘plangan dalillar mazmuni va ahamiyatini 
hamda so‘roq qilishda himoyachi, mutaxassis, prokuror va boshqa 
shaxslar ishtirok etishini hisobga olgan holda o‘tkazilishi lozim). 

---

174 
Tergov qilinayotgan ish bo‘yicha isbot qilish predmeti bilan 
muayyanlashtirilgan taktik vazifalar yig‘indisi daliliy axborot manbalari 
bilan ishlash va protsessual qarorlar qabul qilishda tergovchi taktik 
faoliyatini yo‘lga soluvchi asosni hosil qiladi. 
Tergovchi muayyan taktik usulni tanlashi va taktik qaror qabul 
qilish tergov qilinayotgan ish bo‘yicha yuzaga keladigan va o‘ta 
o‘zgaruvchan, harakatchan, faol axborot tizimini hosil qiladigan tergov 
vaziyatini hisobga olgan holda amalga oshiriladi. Tergov harakatlarini 
yuritish taktikasiga aniqlik va tuzatish kiritish so‘roq qilish, 
yuzlashtirish, ko‘rsatuvlarni hodisa sodir bo‘lgan joyda tekshirish va 
hokazolar jarayonida qo‘llanilgan taktik usullar yordamida olingan 
natijalarni kutilgan natijalar bilan solishtirish orqali amalga oshirilishi 
lozim.
Taktik usul zamirida qaysi fan ma’lumotlari yotishiga qarab, 
psixologik, mantiqiy usullar, boshqaruv fani usullari va boshqa taktik 
usullar farqlanadi. Taktik usullarni ularning yordamida hal qilinuvchi 
kriminalistik vazifalar tipiga qarab guruhlash amaliy nuqtai nazardan 
ayniqsa muhim ahamiyat kasb etadi. Ushbu mezonga ko‘ra tashkiliy-
texnik, bilishga oid va boshqaruv taktik usullari farqlanadi.
Tergovchi tergov qilinayotgan jinoyat voqeasi holatlarini aniqlash 
bilan bog‘liq bilish vazifalarini hal qilish uchun ko‘pincha quyidagi 
taktik vazifalarni hal qiladi:
1) tergovning boshqa ishtirokchilari bilan