Loyiha matni 49901-(61999)

project.gov.uz
06.06.2022
60
payt ushbu moddada nazarda tutilgan elektron hujjatlar berilgan vaqt boʻlib hisoblanadi.
Yakka tartibdagi tadbirkor, oilaviy tadbirkorlik subyekti roʻyxatdan oʻtkazilganligi toʻgʻrisidagi
guvohnomada jismoniy shaxsning fotosurati aks ettirilgan boʻlishi kerak.
Ariza beruvchi yuridik shaxslar uchun – Yagona portaldagi elektron hujjatlar repozitoriysida
saqlanayotgan roʻyxatdan oʻtkazilganligi toʻgʻrisidagi guvohnomani, taʼsis hujjatlarini erkin olish,
shuningdek ularning nusxalarini qogʻozda chop etish huquqiga ega.
133-modda. Tadbirkorlik subyekti-yuridik shaxsni davlat roʻyxatidan qayta oʻtkazish
tartibi
Tadbirkorlik subyekti-yuridik shaxsni davlat roʻyxatidan qayta oʻtkazish Tizim orqali amalga
oshiriladi.
Davlat roʻyxatidan qayta oʻtkazish quyidagi hollarda amalga oshirilishi shart:
taʼsis hujjatlari maʼlumotlaridagi, shu jumladan firma nomlaridagi, tashkiliy-huquqiy
shakllaridagi, ustav fondi (ustav kapitali) miqdoridagi, muassislar tarkibidagi, shuningdek boshqa
oʻzgarishlar bilan bogʻliq boʻlgan oʻzgarishlar (qoʻshimchalar) – tegishli oʻzgarishlar vakolatli shaxs
tomonidan tasdiqlangan paytdan boshlab 30 kun mobaynida;
muassis (ishtirokchi)larning ustav fondidagi (ustav kapitalidagi) ulushlari (hissalari) oʻzgarishi,
bundan aksiyadorlik jamiyatlari mustasno – tegishli bitim amalga oshirilgan paytdan boshlab 30 kun
mobaynida;
tadbirkorlik subyekti-yuridik shaxsning qayta tashkil etilishi (qoʻshib yuborish, qoʻshib olish,
qayta tuzish, boʻlish, ajratib chiqarish) – qayta tashkil etilgan paytdan boshlab 30 kun mobaynida.
Ariza beruvchi ushbu moddada nazarda tutilgan muddat mobaynida Oʻzbekiston Respublikasi
Adliya vazirligi tomonidan belgilangan davlat roʻyxatidan qayta oʻtkazish uchun soʻrovnoma shakllari
boʻyicha – ushbu Kodeksning 132-moddasida nazarda tutilgan talablarni inobatga olgan holda
soʻrovnomani shakllantiradi va Tizim vositasida quyidagi hujjatlar soʻrovnomaga ilova qilinadi:
tadbirkorlik subyekti-yuridik shaxs vakolatli boshqaruv organining taʼsis hujjatlariga ustav fondi
(ustav kapitali) miqdorining oʻzgartirilishi (koʻpaytirilishi yoki kamaytirilishi), ulush (hissa)ning boshqa
shaxsga oʻtishi bilan bogʻliq boʻlgan oʻzgartirish va (yoki) qoʻshimchalar kiritish toʻgʻrisidagi qarori.
Bunda qarorga belgilangan tartibda notarius tomonidan beriladigan yuridik shaxsning rahbar organi
tomonidan qaror qabul qilinganligi faktini tasdiqlash haqida guvohnoma ilova qilinadi yoki tadbirkorlik
subyekti-yuridik shaxsning muassis (ishtirokchi)lari bevosita roʻyxatdan oʻtkazuvchi organga kelgan
holda yoxud vakillari orqali roziligini tasdiqlaydi;
davlat tilidagi taʼsis hujjatlari;
topshirish dalolatnomasi – qoʻshib yuborilganda va qayta tuzilganda;
taqsimlash balansi – ajratib chiqarishda;
tadbirkorlik subyekti-yuridik shaxsning vakolatli organining taʼsis hujjatlarida eʼlon qilingan
ustav fondi (ustav kapitali) miqdori shakllantirilganligi toʻgʻrisidagi hujjat – ustav fondi (ustav kapitali)
miqdori oshirilganda;
tadbirkorlik subyekti – yuridik shaxs ishtirokchilari tomonidan qoʻshimcha hissalar va uchinchi

---