Loyiha matni 49901-(61999)

317-modda. Texnologiyalar transferi uchun shartnoma tuzish va roʻyxatdan oʻtkazish

---

project.gov.uz
06.06.2022
158
Texnologiyalar transferi qonunchilikda belgilangan tartibda tuziladigan shartnoma asosida
amalga oshiriladi.
Intellektual mulkka boʻlgan huquq mavjudligi va undan tushgan foyda texnologiyalar transferi
uchun shartnoma tuzishning asosiy sharti hisoblanadi.
Oʻzbekiston Respublikasi Davlat byudjeti mablagʻlari hisobiga xarid qilinadigan texnologiyalar
transferi uchun shartnomalar vakolatli davlat organi tomonidan roʻyxatga olinadi.
318-modda. Yangi ishlanmalarni tijoratlashtirish
Foyda olish maqsadida innovatsion faoliyat subyektlari munosabatlarini tartibga soluvchi har xil
turdagi shartnomalardan foydalangan holda yangi ishlanmalarni fuqarolik muomalasiga joriy etish
jarayoni yangi ishlanmalarni tijoratlashtirishdir.
Yangi ishlanmalarni tijoratlashtirish:
yangi ishlanmalarni qoʻllagan holda yaratilgan tovar (ish, xizmat)larni realizatsiya qilish yoki
ulardan oʻz ehtiyojlari uchun foydalanish;
taʼsischisi yoki taʼsischilaridan biri ustav jamgʻarmasiga ulush sifatida intellektual mulk
obyektini yoki texnologiyani kiritgan tashkilot (affillangan tashkilot) boʻlgan tijorat tashkilotlarini tashkil
etish;
intellektual mulk obyektlariga boʻlgan mulk huquqlarini uchinchi shaxslarga oʻtkazish va
mazkur obyektlardan foydalanishga boʻlgan huquqni royalti ajratmalariga asoslangan litsenziya
shartnomalarini tuzish yoʻli bilan berish, shu jumladan ularni keyinchalik ushbu huquqlarni oluvchi
tomonidan tijoratlashtirish sharti bilan berish orqali amalga oshiriladi.
Intellektual mulk obyektiga doir huquq egasining tashkilot ustav fondidagi (ustav kapitalidagi)
ulushi (hissasi) miqdori taʼsischilarning oʻzaro kelishuvi boʻyicha belgilanadi.
Davlat uchun strategik ahamiyatga ega boʻlgan yoki davlat sirlari jumlasiga kiruvchi
maʼlumotlarni oʻz ichiga olgan yangi ishlanmalarni tijoratlashtirish davlat sirlarini saqlash toʻgʻrisidagi
qonun hujjatlariga muvofiq amalga oshiriladi.