Loyiha matni 49901-(61999)

92-modda. Dehqon xoʻjaligini tugatish asoslari
Dehqon xoʻjaligi ushbu Kodeksning 22-bobida belgilangan tadbirkorlik subyektlarini tugatish
asoslaridan tashqari quyidagi hollarda tugatiladi:
dehqon xoʻjaligini yuritish uchun meros qilib qoldiriladigan umrbod egalik qilish huquqi asosida
berilgan yer uchastkasiga boʻlgan huquq tugaganda yoki ijara (ikkilamchi ijara) muddati tugaganda;
yer uchastkasiga boʻlgan huquqdan ixtiyoriy voz kechilganida;
dehqon xoʻjaligining boshligʻi vafot etib, xoʻjalik faoliyatini davom ettirishni xohlovchi
merosxoʻr boʻlmasa.
Yuridik shaxs tashkil etgan holdagi dehqon xoʻjaligi tasarrufidagi yer uchastkasiga boʻlgan
huquq tugatilganda koʻchmas mulk obyektlariga boʻlgan huquqlarni davlat roʻyxatidan oʻtkazuvchi organ
bu haqda Koʻchmas mulk obyektlariga boʻlgan huquqlarning davlat reyestriga tegishli yozuv kiritilgan
kunning oʻzida davlat xizmatlari markaziga elektron xabarnoma yuboradi.
6-bob. Tadbirkorlik subyektlari birlashmalari va ularning faoliyat koʻrsatish shartlari
93-modda. Tadbirkorlik subyektlarining birlashmalari

---

project.gov.uz
06.06.2022
41
Tadbirkorlik subyektlari oʻz faoliyatlarini muvofiqlashtirish, shuningdek oʻz huquqlari va
manfaatlarini ifoda etish hamda himoya qilish maqsadida notijorat tashkilotlar boʻlgan uyushmalarga
(ittifoqlarga) va boshqa birlashmalarga birlashishi mumkin.
Tadbirkorlik subyektlari birlashmalarining tashkil etilishi, faoliyat koʻrsatishi, qayta tashkil
etilishi va tugatilishi bilan bogʻliq munosabatlar ushbu Kodeks va boshqa qonun hujjatlari bilan tartibga
solinadi.
Tadbirkorlik subyektlari birlashmalari faoliyati tadbirkorlik subyektlarining aʼzolik badallari va
qonunchilikda taqiqlanmagan boshqa manbalar hisobidan moliyalashtiriladi.
94-modda. Tadbirkorlik subyektlari birlashmalari faoliyatining asoslari
Tadbirkorlik subyektlari birlashmalarining faoliyati quyidagilarga asoslanadi:
barcha aʼzolarining tengligi;
tadbirkorlik subyektlari birlashmalari faoliyatining mustaqilligi, ochiqligi va oshkoraligi;
tadbirkorlik subyektlari birlashmalari qonuniy faoliyatining cheklanmasligi;
davlat organlari va ular mansabdor shaxslarining tadbirkorlik birlashmalari faoliyatiga
aralashishiga, shuningdek tadbirkorlik birlashmalarining davlat organlari hamda ular mansabdor shaxslari
faoliyatiga aralashishga yoʻl qoʻyilmasligi;
faoliyatning hisobdorligi va aʼzolari oldida javobgarligi.