Loyiha matni 49901-(61999)

32-bob. Davlat organlari va mansabdor shaxslarning qarorlari, xatti-harakatlari
(harakatsizligi) ustidan shikoyat qilish
377-modda. Tadbirkorlik subyektlarining shikoyatlarini koʻrib chiqishning majburiyligi
Tadbirkorlik subyektlari tomonidan Oʻzbekiston Respublikasi qonunlarida belgilangan tartibda

---

project.gov.uz
06.06.2022
187
berilgan shikoyatlar majburiy qabul qilinishi, roʻyxatga olinishi va koʻrib chiqilishi shart. Shikoyatni
qabul qilishdan bosh tortish taqiqlanadi. Davlat organi (davlat organining mansabdor shaxsi) tadbirkorlik
subyekti tomonidan berilgan shikoyatni Oʻzbekiston Respublikasi qonunlarida belgilangan tartibda va
muddatlarda koʻrib chiqishi shart.
378-modda. Shikoyat qilish huquqi
Davlat organlari va mansabdor shaxslarining qarorlari, harakatlari (harakatsizligi) tadbirkorlik
subyektlarining huquqlari va qonuniy manfaatlariga taʼsir qilsa, ushbu qarorlar yoki harakatlar
(harakatsizligi) ustidan Oʻzbekiston Respublikasi qonunlarida belgilangan tartibda shikoyat qilinishi
mumkin.
Shikoyat uni koʻrib chiqish va qaror qabul qilish vakolatiga ega boʻlgan davlat organiga beriladi.
Yuqori turuvchi davlat organiga shikoyat qilish nizolashilayotgan huquqlarni, erkinliklarni va qonuniy
manfaatlarini himoya qilish uchun sudga murojaat qilish huquqiga toʻsqinlik qilmaydi.
VIII BOʻLIM. TADBIRKORLIK SOHASIDAGI QONUNCHILIKNI BUZGANLIK UCHUN
JAVOBGARLIK
33-bob. Davlat organlari va ular mansabdor shaxslarining tadbirkorlik sohasidagi
qonunchilikni buzganlik uchun javobgarligi
379-modda. Tadbirkorlik sohasidagi qonunchilikni buzganlik uchun javobgarlik
Tadbirkorlik sohasidagi qonunchilik hujjatlarini buzganlikda aybdor shaxslar qonunda
belgilangan tartibda javobgar boʻladi.
Tadbirkorlik faoliyatiga toʻsqinlik qilish qonunlarda belgilangan javobgarlikka sabab boʻladi.
Tadbirkorlik subyekti tomonidan uning qonuniy tadbirkorlik faoliyatiga toʻsqinlik qilishi natijasida
koʻrilgan barcha zararning oʻrni, shu jumladan boy berilgan foyda fuqarolik qonunchiligiga muvofiq
qoplanishi lozim.