Loyiha matni 49901-(61999)

304-modda. Innovatsion faoliyat sohasida kadrlarni tayyorlash, qayta tayyorlash va
ularning malakasini oshirishga koʻmaklashish
Davlat tadbirkorlikning innovatsion faoliyati sohasida kadrlarni tayyorlash, qayta tayyorlash va
ularning malakasini oshirish boʻyicha chora-tadbirlarni ishlab chiqishga hamda amalga oshirishga:
tadbirkorlarning innovatsion faoliyati sohasida kadrlarni tayyorlashga doir davlat buyurtmalarini
shakllantirish;
tadbirkorlarning innovatsion faoliyati sohasida kadrlarni tayyorlashga, qayta tayyorlashga hamda
ularning malakasini oshirishga doir davlat talablari va standartlarini ishlab chiqish;
tadbirkorlarning innovatsion faoliyati sohasida kadrlarni tayyorlashni, qayta tayyorlashni va
ularning malakasini oshirishni amalga oshiruvchi nodavlat taʼlim tashkilotlari, kasb-hunar taʼlimi
markazlari faoliyatini qoʻllab-quvvatlash;
ilm-fan va texnika yutuqlarini targʻib qilish;
yoshlarning texnik ijodkorligini qoʻllab-quvvatlash va ularni kasb-hunarga yoʻnaltirish orqali

---

project.gov.uz
06.06.2022
152
koʻmaklashadi.
Davlat innovatsion tadbirkorlik sohasida kadrlarni tayyorlashga ixtisoslashgan davlat taʼlim
tashkilotlari faoliyatiga moliyaviy yordam koʻrsatadi.
2-§. Innovatsion infratuzilma
305-modda. Innovatsion infratuzilmaning subyektlari
Innovatsion infratuzilmaning subyektlariga quyidagilar kiradi:
innovatsion texnologik park;
texnologiyalar transferi markazi;
investitsiya fondi;
innovatsion klaster;
venchur tashkiloti;
pay fondi;
innovatsiya markazi.
Boshqa shaxslar innovatsion infratuzilmaning subyektlari boʻlishi mumkin.
306-modda. Innovatsion texnologik park
Innovatsion texnologik park direksiyasi nomidan innovatsion texnologik park (bundan buyon
matnda innovatsion texnopark deb yuritiladi) innovatsion faoliyatni amalga oshirish uchun qulay shart-
sharoitlar yaratiladigan yagona moddiy-texnika majmuasi boʻlgan hududga mulk huquqi asosida yoki
boshqa qonuniy asoslarda egalik qiluvchi yuridik shaxsdir.
Innovatsion texnopark rezidenti innovatsion texnopark hududida innovatsion loyihani amalga
oshiruvchi yuridik yoki jismoniy shaxsdir.
Innovatsion texnopark faoliyatining asosiy yoʻnalishlari quyidagilardan iborat:
ilm-fan, taʼlim va ishlab chiqarish integratsiyasini taʼminlashga koʻmaklashish;
innovatsion tadbirkorlikni rivojlantirishga koʻmaklashish;
innovatsion faoliyat subyektlariga moddiy-texnik, tashkiliy-uslubiy, moliyaviy, axborotga oid,
maslahat xizmatlari va boshqa servis xizmatlari koʻrsatish;
innovatsion loyihalarni boshqarishda koʻmaklashish;
yangi ishlanmalarning tajriba-sanoat sinovlarini oʻtkazish va intellektual mulk obyektlariga
huquqiy muhofaza berilishiga koʻmaklashish;
yuqori texnologik va innovatsion ishlab chiqarishlarni tashkil etishdan manfaatdor boʻlgan

---