Loyiha matni 49901-(61999)

21-bob. Tadbirkorlik subyektlari faoliyatini ixtiyoriy tugatish
236-modda. Tadbirkorlik subyekti – yakka tartibdagi tadbirkor faoliyatini ixtiyoriy
tugatish
Tadbirkorlik subyekti – yakka tartibdagi tadbirkor faoliyatini ixtiyoriy tugatish uning qaroriga
(arizasiga) koʻra amalga oshiriladi.
Jismoniy shaxs – tadbirkorlik subyekti vafot etganda roʻyxatdan oʻtkazuvchi organ tomonidan
fuqarolik holati dalolatnomalarini yozish organlari maʼlumotlari asosida davlat reyestriga tadbirkorlik
subyektining faoliyati tugatilganligi toʻgʻrisida yozuv kiritiladi.
Soliq va yigʻimlarni yuridik shaxslar uchun nazarda tutilgan tartibda toʻlaydigan tadbirkorlik
subyekti – yakka tartibdagi tadbirkorlar faoliyatini ixtiyoriy tugatish ushbu bobda belgilangan
tadbirkorlik subyekti – yuridik shaxslarni ixtiyoriy tugatish tartibida amalga oshiraladi.
237-modda. Tadbirkorlik subyekti – yakka tartibdagi tadbirkor faoliyatini ixtiyoriy
tugatish uchun murojaat qilish
Tadbirkorlik subyekti – yakka tartibdagi tadbirkor faoliyatini ixtiyoriy tugatish uning roʻyxatdan
oʻtkazuvchi organga taqdim etgan arizasi asosida amalga oshiriladi.
Arizaga quyidagi hujjatlar ilova qilinadi:
muhr va shtamplar (agar mavjud boʻlsa);
barcha litsenziyalar (ruxsatnomalar)ning asl nusxalari (agar mavjud boʻlsa);
asosiy hisobvaragʻi (agar mavjud boʻlsa) yopilganligi toʻgʻrisidagi tijorat bankining

---

project.gov.uz
06.06.2022
117
maʼlumotnomasi.
238-modda. Tadbirkorlik subyekti – yakka tartibdagi tadbirkor faoliyatini ixtiyoriy
tugatish uchun murojaatlarni koʻrib chiqish
Roʻyxatdan oʻtkazuvchi organ faoliyatni ixtiyoriy tugatish toʻgʻrisida ariza tushganidan soʻng bir
ish kuni ichida tadbirkorlik subyekti – yakka tartibdagi tadbirkor davlat roʻyxatidan oʻtkazilgan joydagi
davlat soliq xizmati organiga Tizim orqali uning soliqlar boʻyicha qarzi yoʻqligini, shuningdek, tijorat
bankida hisobvaraq ochmaganligini (hisobvaraq ochilmagan deb koʻrsatilgan boʻlsa) tasdiqlash uchun
soʻrovnoma yuboradi. Bunda davlat soliq xizmati organi soʻrovnoma olingan kundan boshlab ikki ish
kuni mobaynida Tizim orqali roʻyxatdan oʻtkazuvchi organga xabarnoma yuboradi.
Roʻyxatdan oʻtkazgan organ ushbu Kodeksning 237-moddasi ikkinchi qismida koʻrsatilgan
barcha hujjatlar hamda davlat soliq xizmati organining ushbu moddaning birinchi qismida nazarda
tutilgan xabarnomasi tushganidan keyin bir ish kuni mobaynida tadbirkorlik subyekti – yakka tartibdagi
tadbirkor faoliyatini ixtiyoriy tugatish toʻgʻrisidagi yozuvni Reyestrga kiritadi.
Roʻyxatdan oʻtkazuvchi organning tadbirkorlik subyekti – yakka tartibdagi tadbirkor faoliyatini
ixtiyoriy tugatish toʻgʻrisidagi yozuvni Reyestrga kiritish haqidagi qarori qabul qilingandan soʻng bir ish
kuni mobaynida tadbirkorlik subyekti – yakka tartibdagi tadbirkor faoliyatini ixtiyoriy tugatishga
(vakiliga) beriladi yoki pochta orqali joʻnatiladi.
Tadbirkorlik subyekti – yakka tartibdagi tadbirkor faoliyatini ixtiyoriy tugatish toʻgʻrisidagi
yozuv Reyestrga kiritilgandan keyin roʻyxatdan oʻtkazuvchi organ uch ish kunida:
davlat soliq xizmati organini tadbirkorlik subyekti – yakka tartibdagi tadbirkor faoliyatini
ixtiyoriy tugatish toʻgʻrisida qaror qabul qilinganligi haqida Tizim orqali xabardor qiladi;
faoliyatini tugatgan tadbirkorlik subyekti – yakka tartibdagi tadbirkorning muhr va shtamplarini
(agar mavjud boʻlsa) yoʻq qiladi;
litsenziya, ruxsat etish xususiyatiga hujjatlar va vakolatli organlar xabardor qilinganligi
toʻgʻrisidagi tasdiqnomalarni bergan organlarni “Elektron hukumat” tizimi idoralararo integratsiyalashuv
platformasi orqali xabardor qiladi.
Tadbirkorlik subyekti sifatida faoliyatining tugatilishi jismoniy shaxsni kreditorlar oldidagi
uning tadbirkorlik faoliyatini amalga oshirish bilan bogʻliq majburiyatlaridan ozod qilmaydi.