Loyiha matni 49901-(61999)

project.gov.uz
06.06.2022
112
tovar (ish, xizmat)larni sotib oluvchilarga ularni yetkazib beradigan tadbirkorlik subyektlarini
tanlashga cheklovlar oʻrnatish;
moliyaviy mablagʻlarning manbalarini tanlash va ulardan foydalanish yoʻnalishlarining afzalligi
toʻgʻrisida xoʻjalik yurituvchi subyektga koʻrsatmalar berish;
tadbirkorlik subyektlarining ustav fondidagi (ustav kapitalidagi) aksiyalarni (ulushlarni) olishi,
bundan qonun hujjatlarida nazarda tutilgan hollar mustasno;
oʻz vazifalarini tadbirkorlik subyektlarining vazifalari bilan qoʻshib bajarish;
tovar (ish, xizmat)larning narx va tariflarini oshirish, pasaytirish, saqlab turish, bundan ushbu
Kodeksning 15-bobida nazarda tutilgan hollar mustasno.
226-modda. Davlat monopoliyasi
Davlat milliy xavfsizlik, jamoat tartibi, inson huquqlari va erkinliklari, sogʻliqni saqlash holatiga
salbiy taʼsir koʻrsatishi mumkin boʻlgan holatlardagina ayrim tadbirkorlik faoliyati sohalarida ishlab
chiqarish, sotish, sotib olish yoki foydalanishga boʻlgan mutlaq huquqni oʻziga olish orqali bozorda
raqobatni cheklashi mumkin. Ushbu sohalarda davlatning mutlaq huquqi Oʻzbekiston Respublikasi
Prezidenti yoki Oʻzbekiston Respublikasi Vazirlar Mahkamasi tomonidan tashkil etiladigan davlat
monopol korxonasi orqali amalga oshiriladi.
Davlat monopoliyasiga quyidagilar taqiqlanadi:
davlat monopoliyasi sohasiga tegishli boʻlmagan tovar (ish, xizmat)larni ishlab chiqarish, bundan
texnologik jihatdan tovar ishlab chiqarish bilan bogʻliq faoliyat mustasno. Bunda tovar (ish, xizmat)lar
realizatsiyasi bilan bogʻliq texnologik faoliyat turlari roʻyxati monopoliyaga qarshi organ bilan
kelishilgan holda vakolatli davlat organlari tomonidan tasdiqlanadi;
yuridik shaxslarning aksiyalariga (ustav kapitalidagi ulushlariga) egalik qilish yoki yuridik
shaxslarning faoliyatida boshqacha tarzda ishtirok etish;
davlat monopoliyasi bilan bogʻliq huquqlarni uchinchi shaxslarga berish;
realizatsiya qilinadigan tovar (ish, xizmat)larga Oʻzbekiston Respublikasining qonunchilik
hujjatlariga muvofiq belgilangan narxlardan farq qiladigan narxlarni belgilash.
Davlat monopoliyasi quyidagi shartlarga amal qilgan holda joriy etiladi:
tadbirkorlik subyektlari davlat monopoliyasi joriy etilishi boʻyicha qaror kuchga kirgunga qadar
kamida olti oy oldin xabardor qilinadi;
davlat monopoliyasi joriy etilayotgan tovar (ish, xizmat)ni realizatsiya qilish bilan
shugʻullanadigan tadbirkorlik subyektlari davlat monopoliyasi kuchga kirganidan keyin olti oy
mobaynida ushbu tovar (ish, xizmat)ni realizatsiya qilish huquqiga ega boʻladi;
tadbirkorlik subyektlariga davlat monopoliyasini joriy etish natijasida yetkazilgan zarar
Oʻzbekiston Respublikasi fuqarolik qonunchiligiga muvofiq qoplanadi.