Loyiha matni 49901-(61999)

207-modda. Ekspertiza oʻtkazish uchun mahsulotlarning namunalarini tanlab olish tartibi
Namunalarni tanlab olish nazorat qiluvchi organning qarori asosida amalga oshiriladi.
Namunani tanlab olish zarurligi toʻgʻrisidagi qarorda ekspertiza oʻtkazish uchun zarur boʻlgan

---

project.gov.uz
06.06.2022
98
har bir mahsulotning navi va turi uchun namunalar soni hamda ekspertizani oʻtkazish joyi koʻrsatiladi.
Mahsulotdan namunalar olishdan oldin nazorat qiluvchi organning mansabdor shaxsi tadbirkorlik
subyektiga mahsulotdan namuna olish tartibini tushuntirishi va namunalarni tanlab olish toʻgʻrisidagi
qarorni taqdim qilishga majburdir.
Namunalarni tanlash kamida ikki nusxada amalga oshiriladi, ulardan bittasi (nazorat nusxasi)
tadbirkorlik subyektida qoladi.
Mahsulotdan tanlab olingan namunalar soni nazorat qiluvchi organning mahsulotdan namuna
tanlab olish toʻgʻrisidagi qarorida koʻrsatilgan miqdorga mos kelishi lozim.
Namunani tanlab olish nazorat qiluvchi organning mansabdor shaxsi tomonidan tadbirkorlik
subyektining rahbari yoki uning oʻrnini bosuvchi shaxs ishtirokida amalga oshiriladi va namunani tanlab
olish dalolatnomasi bilan tasdiqlanadi.
Namunani tanlab olish dalolatnomasida quyidagilar koʻrsatiladi:
tuzilgan joyi va sanasi;
namunani tanlab olish uchun asos boʻlgan nazorat qiluvchi organning tekshiruv tayinlash
toʻgʻrisidagi qarorning raqami va sanasi;
namunani tanlab olishni amalga oshirayotgan mansabdor shaxslarning familiyasi, ismi va
otasining ismi;
tadbirkorlik subyektning nomi va joylashgan joyi (pochta manzili);
tadbirkorlik subyekt shaxsi yoki uning vakilining familiya, ismi, otasining ismi va lavozimi;
ishlab chiqaruvchisi, ishlab chiqarilgan sanasi, partiya seriyasi (raqami), namunalarning umumiy
qiymatini koʻrsatgan holda tanlab olingan namunalarning roʻyxati va soni;
qadoqlash turi va muhr (plomba) raqami.
Mahsulotning tanlab olingan namunalari butlanishi, qadoqlanishi va muhrlanishi (plombalanishi)
kerak.
Namunalarni tanlab olish dalolatnomasi uch nusxada tuzilishi lozim. Dalolatnomaning barcha
nusxalari namunalarni tanlab olgan mansabdor shaxs va tadbirkorlik subyektining rahbari yoki uning
oʻrnini bosuvchi shaxs tomonidan imzolanadi.
Tanlab olish dalolatnomasining bir nusxasi yoʻllanma va namunalar bilan birga ekspertiza (tahlil,
sinov) oʻtkazish uchun vakolatli tashkilotga yuboriladi.
Namunalarni tanlab olish dalolatnomasining ikkinchi nusxasi tadbirkorlik subyektida qoladi.
Namunalarni tanlab olish dalolatnomasining uchinchi nusxasi namunalarni tanlab olgan nazorat
qiluvchi organning mansabdor shaxsida saqlanadi.
Tadbirkorlik subyekti namunalarni tanlab olish paytida nazorat qiluvchi organ mansabdor
shaxsining barcha harakatlarida ishtirok etishga va ushbu harakatlar yuzasidan munosabat bildirishga
haqli, bu haqda namunalarni tanlab olish dalolatnomasida yozuv qayd etiladi.
Tanlab olingan namunalarning saqlash va tashish sharoitlari ushbu namunalarni ekspertizadan
oʻtkazish parametrlarini oʻzgartirmasligi lozim.
Ekspertizadan oʻtkazish uchun namunalarni tanlagan nazorat qiluvchi organning mansabdor

---