Loyiha. Loyiha tavsifi Mavzu yuzasidan mashq va topshiriqlar

Loyiha. Loyiha tavsifi


Mavzu yuzasidan mashq va topshiriqlar
1-topshiriq.
Masofaviy ta’lim va uning kelajagi

Rivojlangan davlatlar amaliyotida masofaviy ta’lim (MT) turli xil modellar, metodlar va texnologiyalarni o‘z ichiga olib, unda pedagog va o‘quvchi ma’lum masofa bilan chegaralangan bo‘lib, turli joylarda (hududlar; shaharlar va hattoki mamlakatlar) orasida olib boriladi. Bu holda talaba va pedagog orasidagi o‘zaro aloqa turli xil vositalar yordamida amalga oshiriladi.
— odatdagi pochta va aloqa yordamida uzatiladigan pechatli va yozma materiallar;
— telefon tarmoqlari;
— audio va video yozmalar, o‘quv radiosi va televideniyesi;
— interaktiv dasturli o‘qitish vositalari;
— kompyuterli o‘rgatuvchi dasturlar;
— lokal va global kompyuter tarmoqlari;
Tabiiyki, u yoki bu o‘zaro aloqaning o‘ziga xos xususiyatlari pedagog bilan tinglovchi orasidagi mavjud holatlar o‘qitish metodikasi va taktikasi hamda strategiyasi bilan ajralib turadi.
Hozirgi vaqtda MT ning pedagogik va tashkiliy asoslari telekommunikatsion servislar: elektron pochta, mavzuga bog‘liq jo‘natmalar, elektron jurnallar, USENT konferensiyalar, ICQ, veb—konferensiyalar, e’lon doskalari va boshqalar. Hozirgi paytda turli xil servislar orasida MT ning eng samaralisi bo‘lib, elektron pochta hisoblanadi.
Matn yuzasidan topshiriqlar:
1. Matnni o‘qing, kalit so‘zlarni yozib oling.
2. Kalit so‘zlar ishtirokida murakkab klaster tuzing
2- topshiriq. “T-sxema”si bo‘yicha masofaviy ta’limning ijobiy va salbiy tomonlarini yozing

Ijobiy tomonlar		Salbiy tomonlar

3- topshiriq. Matnni uning asosiy mazmunini saqlagan holda qisqartiring. Matnni qisqartishda qanday usullarni qo‘llaganingizni sharhlang.
Har qanday qilmishning aksi, qaytarma oqibati mavjud: shunday ekan, faqat o‘z prinsipimni himoya qilaman deb, bir kun borib ko‘pchilikni dog’da qoldirmaylik tag‘in?! Axir mavjud nazariyalar qolipiga tushmaydigan faktlar, fan uchun qimmatli emasmi? Chunki shu noma’lum faktlarni ishlab chiqish bilan yaqin oralarda fanning yangi yo‘nalishlariga yo‘l ochib berish mumkinku? Fan tarixida bunday misollar to‘lib-toshib yotibdi. Faktni tan olmaslik, aslida hazm qilinmagan nazariyaning oqibati-ku!.. Men nasihatgo‘ylik qilishni o‘ylamagandim, ammo o‘rni kelib qoldi. Koinot azaldan insonni zulmat bilan o‘ragan. Fan esa – odamzot qo‘lidagi mangu mash’ala! Zero, fan – cheksizlikni o‘rganar ekan, ayni paytda, o‘zining ham had-chegarasi yo‘q. Inson bilimi tugamaydi, u abadiy yaratiladi, abadiy harakatda… Modomiki shunday ekan, men ochgan kashfiyot uslubiga boshqa bir uslub qarama-qarshi chiqib qolsa, nima uchun endi men unga, albatta, tosh otishim kerak? Nima uchun?! Yo‘q, aqlimiz bo‘lsa, istiqbolimizga chinakam qayg‘ursak, orzuni bo‘g‘maylik. Orzu har qanday faktdan ham qudratli! Orzu bamisoli hayot ko‘ksidagi mildirab turgan buloq, gurkirab o‘suvchi nihol…


4- topshiriq.
Kompyuter lingvistikasi

“Kompyuter lingvistikasi” fani tabiiy tillarning matematik modellarini qurish, lingvistik muammolarni hal qiluvchi kompyuter dasturlarini ishlab chiqishga yo‘naltirilgan. “Kompyuter lingvistikasi” fani oldida turgan asosiy masalalar esa umumiy tilshunoslikning formal va aksiomatik modellarni qurish va konkret tillarning matematik modellarini ishlab chiqishga xizmat qiladi. Bu modellar asosida matnlarni tahrirlash, kompyuter tarjimasi, kompyuter lug‘atlari, ona tili va chet tillarga o‘rgatish hamda bilimlarni baholash bo‘yicha kompyuter dasturlarini yaratish mumkin bo‘ladi.
Til qoidalarining matematik modeli matematik mantiqning formal va aksiomatik nazariyalari asosida quriladi. Shuning uchun bu fan matematik mantiq asoslarini bayon qilish bilan boshlanadi. Bu yerda mulohazalarni hisob-kitob qilishning usullari hamda ularning formal va aksiomatik nazariyalari bayon qilinadi. Keyin o‘zbek tilining formal va aksiomatik modellari beriladi hamda lingvistik masalalarning matematik algoritmlari va kompyuter dasturlari keltiriladi.


Matn yuzasidan topshiriqlar:
1. Matnni o‘qing. Reja asosida matn mazmunini qisqartirib so‘zlab bering.
2. Matn ma’lumotlarini asosiy va ikkinchi darajali qismlarga bo‘ling.

Ikkinchi darajali axborot

Asosiy axborot


5- topshiriq.
5- topshiriq. Quyidagi mavzular bo‘yicha loyiha rejasini tuzing.

• 
  «Elektron hukumat»
  
• 
  «Kelajakdagi universitet»
  
• 
  «Ekologiya va inson»
  

Nazorat savollari

1. 
   Doklad – bu ……
   
2. 
   Doklad tuzilishini tavsiflab bering.
   
3. 
   Dokladning asosiy qismiga nimalar kiradi?
   
4. 
   Ilmiy konferensiya nima?
   
5. 
   Ilmiy konferensiya turlari.