Лойиха ишлаб чикиш кўникмалари ннтларни Қўллаб-Қувватлайдиган ташкилотлар

1-МЕзон: юридик шахс мақом қуйидаги мезонлар билан белгиланади

• Давлат органларидан (адлия, солиқ, статистика) рўйхатидан ўтганлиги тўғрисидаги гувоҳнома, Низоми нусхаси;
• Оммавий ахборот воситалари учун Ўзбекистон матбуот ва ахборот агентлигида рўйхатга олинганлиги тўғрисидаги гувоҳномаси;
• Лицензияланган фаолият юритувчилар учун лойиҳада кўрсатилган фаолият учун лицензияга эгалиги ва уларнинг муддатлари;
• Фаолият юритаётганлиги, тугатилаётганлиги, тугатиш иш юритуви ниҳоясига етказилмаганлиги ёки ташкил этиш жараёни тамомланмаганлиги, шунингдек, камида бир йиллик фаолиятида қонун ҳужжатларига риоя этиши, қонуний жазога тортилганлиги борасида расмий маълумотлар;
• Жамоат фондидан қарздорлиги мавжудлиги, ҳисоботларни ўз вақтида хатосиз, тўлиқ ва сифатли тақдим этганлиги

2-Мезон: ресурс базанинг мавжудлиги қуйидаги мезонлар билан белгиланади

• Сўралган умумий суммасида ўз улуши суммасини:
• биринчи маротаба 10 фоизидан кам бўлмаган миқдорда;
• бир маротаба ғолиб бўлган, иккинчи маротаба танловда иштирок этаётган 20 фоизидан кам бўлмаган миқдорда;
• икки маротаба ғолиб бўлган ва учинчи маротаба танловга иштирок этаётган 30 фоизидан кам бўлмаган миқдорда;
• уч ва ундан кўп маротаба танловларда ғолиб бўлган, 50 фоизидан кам бўлмаган миқдорда.
• Ўз баланисида, оператив бошқарувида моддий-техника базасининг мавжудлиги, ўз маъмурий биносининг мавжудлиги ёки ижара шартномасини тақдим этганлиги;
• Ташкилотнинг ташкилий-ходимлар тузилмаси ва унда доимий ишловчи ходимлар ҳамда кунгиллиларнинг (волонтёрлар) мавжудлиги;
• Лойиҳа доирасидаги ойлик иш ҳақи фонди ҳисобидан иш ҳақи тўланадиган ташкилот ходимларининг ҳамда жалб қилинадиган ходимларнинг сифат кўрсаткичлари (маълумотлари, дипломнинг кўчирма нусхалари, меҳнат дафтарчаларидан кўчирма нусхалар, сертификатлар ва бошқалар).

3-мезон: Лойиҳанинг ижтимоий аҳамияти, маълумотларнинг асослилиги ва ҳаққонийлиги

• Лойиҳанинг мақсад ва вазифаси танлов мавзусига, йўналишларидан бирига ва шартларига жавоб бериши;
• Лойиҳани амалга ошириш усуллари ва механизмлари, лойиҳа мақсадли гуруҳи эҳтиёжининг миқдор ва сифат кўрсаткичлари, қайд этилган ижтимоий муаммо кўлами аниқ очиб берилганлиги;
• Лойиҳани амалга ошириш давлат ёки ижтимоий-иқтисодий ривожланишнинг ҳудудий дастурларини ижросига кўмаклашиши;
• Лойиҳа доирасида амалга ошириладиган ёрдамнинг, тўлиқ ёки қисман ҳал этиладиган муаммо ёки вазифанинг миқдорий ва сифат кўлами;
• Лойиҳада кўрсатилган муаммони аниқлаш механизми ва шаклларига (аниқ тадқиқотларга, социалогик сўровлар, давлат органларининг, фуқароларнинг ўзини-ўзи бошқариш органларининг расмий маълумотларига таянилганлигига ва уларни тақдим этилганлигига) ҳамда муаммони ҳал этишнинг йўллари, механизмлари аниқ кўрсатилганлигига;
• Лойиҳани амалга оширишнинг маҳсули, унинг самараси ва ижтимоий таъсири, кутилаётган натижанинг сифат ва миқдорий кўламига қараб белгиланади.