Лойиҳа Ўзбекистон республикаси адлия вазирлиги тошкент давлат юридик университети

 
Назорат учун саволлар: 
 
1.
Инсофсиз рақобат тушунчаси ва унинг ҳуқуқий табиати. 
2.
Инсофсиз рақобатга олиб келувчи ҳолатлари 
3.
Инсофсиз рақобатни ҳуқуқий баҳолаш. 
4.
Шахсга тегишли шахсийлаштириш воситаларидан рухсатсиз 
фойдаланиш билан боғлиқ инсофсиз рақобат. 
1-Казус 
 
Монополияга қарши кураш органига “Ситрус” компанияси 
томонидан рақобатга қарши ҳаракатлар амалга оширилаётганлиги 
ҳақида “Тиббиёт маркази” муассасасидан ариза келиб тушди. 
“Тиббиёт маркази” муассасаси миллий ва ҳорижий мижозларга 
тиббиёт хизмати кўрсатиш билан шуғулланади. “Ситрус” 
компанияси эса алкогольсиз ичимликлар ишлаб чиқариш ва 
Ўзбекистон Республикасига сотиш билан шуғулланади, шу вақт 
давомида “Ситрус” компанияси Ўзбекистон Республикасида 
тиббиёт муассасаси очишга қарор қилади. 
Тиббиёт бозоридаги вазиятни ўрганиш учун “Ситрус” 
компанияси ўз ходими R.Gни “Тиббиёт маркази” муассасасига 
юборади, R.G муассаса ходимига ўзини мижоз сифатида 
таништириб, уларнинг фаолиятиги қизиқаётганини, танишиб 
чиқиш учун муассаса фаолиятига оид маълумотларни тақдим 
этишни сўрайди.
“Тиббиёт маркази” муассасаси ходимаси унинг асл мақсадини 
билмаган ҳолда мижозлар рўйхатини R.Gга тақдим қилади 
натижада рўйхат муассасага қайтарилмайди.Монополияга қарши 
курашиш органи мижозлар рўйхати реестри тижорат сирини 
ташкил қилишини ва тегишли тартибда сир сақланишини аниқлади. 
R.G мазкур реестрни “Ситрус” компаниясига тақдим этди ва 

---

144 
компания тиббиёт муассасаси ташкил этиш ва мижозлар базаси 
шакллантиришда фойдаланди.
Хусусан “Ситрус” компанияси “Тиббиёт маркази” муассасаси 
мижозларига ўзи ташкил этган тиббиёт муассасаси ҳақида 
маълумот тақдим этди ва ўз муассасаси хизматидан фойдаланишни 
таклиф этди. Шу тарзда мазкур реестрдан ўз манфаатлари йўлида 
фойдаланди. 
“Ситрус” компанияси тиббиёт муассасаси сифатида ўз 
фаолиятини бошлагач, унинг 15 фоиз атрофидаги мижозлари 
“Тиббиёт маркази” муассасаси хизматидан фойдалангани маълум 
бўлди.