Лойиҳа матни 271079-(272114)

---

e-qaror.gov.uz

28.12.2021

1

2021 йил «1» ноябрь

VI-36-69-7-99-K/21

Нуробод туман ҳокимлиги

Tumanda kuz-qish mavsumiga tayyorgarlik ko‘rish va uni betalofat o‘tkazish

yuzasidan tuman hokimining sanoatni rivojlantirish, kapital qurilish,

kommunikatsiya va kommunal xo‘jalik masalalari bo‘yicha o‘rinbosari

N.Raxmonovning hisoboti to‘g‘risida

Tumanda  kuz-qish  mavsumiga  tayyorgarlik  ko‘rish  va  uni  betalofat

o‘tkazish  yuzasidan  tuman  hokimining  sanoatni  rivojlantirish,  kapital  qurilish,

kommunikatsiya  va  kommunal  xo‘jalik  masalalari  bo‘yicha  o‘rinbosari

N.Raxmonovning hisobotini tinglab, O‘zbekiston Respublikasi “Mahalliy davlat

hokimiyati  to‘g‘risida”gi  Qonunining  24-moddasiga  muvofiq  Xalq  deputatlari

tuman Kengashining VI chaqiriq, XXXVI sessiyasi

QAROR QILADI:

1  Tumanda  kuz-qish  mavsumiga  tayyorgarlik  ko‘rish  va  uni  betalofat

o‘tkazish  yuzasidan  tuman  hokimining  sanoatni  rivojlantirish,  kapital  qurilish,

kommunikatsiya  va  kommunal  xo‘jalik  masalalari  bo‘yicha  o‘rinbosari

N.Raxmonovning  hisoboti  -  maʼlumot  uchun  qabul  qilinsin.

2. Tuman hokimining barcha o‘rinbosarlari, tegishli bo‘lim va tashkilotlar

rahbarlari  kuz-qish  mavsumiga  tayyorgarlik  ko‘rish  va  uni  betalofat  o‘tkazish

bo‘yicha shaxsan masʼul ekanliklari belgilab qo‘yilsin.

3.  Tuman  hokimining  sanoatni  rivojlantirish,  kapital  qurilish,

kommunikatsiyalar  va  kommunal  xo‘jalik  masalalari  bo‘yicha  o‘rinbosari

(N.Raxmonov)  va  tuman  elektr  tarmoqlari  korxonasi  boshlig‘i  (J.Xamrayev),

“Nurobodtumangaz”  filiali  boshlig‘i  (I.Xamrayev),  tuman  uy-joy  kommunal

xizmat ko‘rsatish bo‘limi boshlig‘i (I.Qurbonov), “Samarqandsuvtaʼminoti” MCHJ

---

e-qaror.gov.uz

28.12.2021

2

tuman  bo‘limi  boshlig‘i  (A.Axmedov),  tuman  xalq  taʼlimi  bo‘limi  mudiri

(R.Turayev),  tuman  tibbiyot  birlashmasi  boshlig‘i  (A.Abiyev)  hamda  tuman

maktabgacha taʼlim bo‘limi mudiri (D.Amirova)larga:

kuz-qish mavsumida yuzaga kelishi mumkin bo‘lgan talafot va avariyalarni

tez  muddatda  bartaraf  etish  maqsadida  zaruriy  materiallar  va  asbob-uskunalar

zaxirasini tashkil etish;

avariya va nosozliklarni operativ tarzda bartaraf etish uchun kecha-yu kunduz

ishlaydigan  avariya-dispetcherlik  xizmatlarini  tashkil  etib,  mavjud  barcha

texnikalarni  shay  holatga  keltirish;

kuz-qish  mavsumini  betalafot  o‘tkazish  bo‘yicha  ishlab  chiqilgan  chora-

tadbirlarni o‘z vaqtida va sifatli amalga oshirilishini nazorat qilish;

ko‘p qavatli uy-joylarda aholiga sifatli kommunal xizmat ko‘rsatish, ichimlik

suvi, kanalizatsiya tarmoqlari, tabiiy gaz, elektr energiyasi va issiqlik energiyasi

taʼminotini yaxshilash;

ko‘p  qavatli  uy-joylarning  kuz-qish  mavsumiga  tayyorligi,  tom,  fasad,

yo‘laklar  va  yerto‘la  qismining  ahvolini  o‘rganib  chiqish;

tuman Kengashi deputati (S.Suyarov) tomonidan bildirilgan taklifga asosan

yangi qurilgan 41-maktab filialiga 15 kun muddatda zarur jihozlar ajratilishini

taʼminlash;

ko‘p qavatli uylarni va ijtimoiy soha obyektlarini hamda issiqlik, ichimlik

suvi, elektr energiyasi, tabiiy gaz taʼminoti tizimlarini mavsumga tayyorlash, oziq-

ovqat  taʼminoti  zaxiralarini  yaratish  kabi  muhim  masalalarni  o‘rganish  va

aniqlangan  muammolarni  bartaraf  etish  choralarini  ko‘rish  vazifasi  yuklatilsin.

4.  Tuman  hokimining  sanoatni  rivojlantirish,  kapital  qurilish,

kommunikatsiyalar  va  kommunal  xo‘jalik  masalalari  bo‘yicha  o‘rinbosari

(N.Raxmonov), tuman elektr tarmoqlari korxonasi boshlig‘i (J.Xamrayev) bilan

birgalikda bir hafta muddatda Sahoba MFY, Tutli qishlog‘ida o‘rnatilgan 2 ta

transformatorni aholi tarmog‘iga ulanishini taʼminlasin.

5.  Mazkur  qarorning  ijrosini  nazorat  qilish  xalq  deputatlari  tuman

Kengashining Sanoat, transport, qurilish, kommunal xo‘jaligi masalalari va aholiga

xizmat ko‘rsatish bo‘yicha doimiy komissiyasi raisi (B.Qilichov) hamda tuman

hokimining o‘rinbosari (N.Raxmonov) zimmasiga yuklatilsin.

---

e-qaror.gov.uz

28.12.2021

3

Kengash raisi

F.Zairov