Лойиҳа матни 23257-(25127)

---

project.gov.uz
29.11.2020
1
ЕДИНАЯ ЭЛЕКТРОННАЯ СИСТЕМА РАЗРАБОТКИ И
СОГЛАСОВАНИЯ ПРОЕКТОВ НОРМАТИВНО-
ПРАВОВЫХ АКТОВ
Проект
ЎЗБЕКИСТОН РЕСПУБЛИКАСИ ҚОНУНИ
Педагог ходимнинг мақоми тўғрисида
QL-1037/20-3
1-боб. Умумий қоидалар
1-модда. Ушбу Қонуннинг мақсади
Ушбу Қонуннинг мақсади педагог ходимнинг мақомига оид муносабатларни тартибга
солишдан иборат.
2-модда. Ушбу Қонуннинг қўлланилиш соҳаси
Ушбу Қонун Ўзбекистон Республикаси ҳудудида фаолият юритаётган давлат таълим
муассасалари ва ташкилотлари, шунингдек нодавлат таълим ташкилотлари (бундан буён матнда
таълим ташкилотлари деб юритилади) педагог ходимига нисбатан татбиқ этилади.
Ушбу Қонуннинг амал қилиши:
асосий иш фаолиятидан ташқари педагогик фаолият билан шуғулланувчи шахсларга;
ҳарбий таълим муассасаларида педагогик фаолият билан шуғулланувчи шахсларга
нисбатан татбиқ этилмайди.
3-модда. Педагог ходимнинг мақоми тўғрисидаги қонун ҳужжатлари
Педагог ходимнинг мақоми тўғрисидаги қонун ҳужжатлари ушбу Қонун ва бошқа қонун
ҳужжатларидан иборатдир.
Агар Ўзбекистон Республикасининг халқаро шартномасида Ўзбекистон Республикасининг
педагог ходим мақоми тўғрисидаги ҳужжатларида назарда тутилганидан бошқача қоидалар
белгиланган бўлса, халқаро шартнома қоидалари қўлланилади.
4-модда. Асосий тушунчалар

---

project.gov.uz
29.11.2020
2
Ушбу Қонунда қуйидаги асосий тушунчалар қўлланилади:
ўқитувчи-мураббийлик – умумий ўрта таълим ташкилотида илк бор фаолият бошлаётган
шахсларни касбий мослаштириш бўйича амалий ёрдам кўрсатувчи педагог ходим фаолияти;