Lms moodle tizimida multimediya tizimlari va texnologiyalari

Tovush – tovushni ijro etilishi va saqlanishi, yuborilishi, qayta ishlanishi, tovush yozuviga tegishli barcha narsalar kiradi;

Tasvir – raqamli ko`rinishdagi tasvir olishning barcha usullari, tasvirni qayta ishlash, yuborish, saqlash, turli xil to`plagichlarda aks ettirish va tarqatish;

Video – harakatlanuvchi tasvirlar sifatida qo`yilgan kadrlar ketma-ketligi bilan bog`liq barcha jarayonlar kiradi;

Multimedia hujjatlar – matnni tasvir va tovush bilan birgalikda qo`llanishi;

Multimediali prezentatsiyalar – video, animatsiya, turli xil grafikalar, tovush hamda matnlarni birlashtirish ishini bajaruvchi kompyuter maxsulot.

Multimediali disklar – interaktiv multimediali menyularni multimedia-prezentatsiya bilan birgalikda ishlatilishi;

Multimedia saqlanadigan joy va ma`lumotlar ombori – Ma`lumotlarni olish va qidirish texnologiyalarida saqlashda yangicha yondashuvlarni hamda murojaatlar taqsimlanishini yaxlitligini ta’minlashni talab etadigan multimediali ma`lumotlarning katta massivlari;

Oldin ta’kidlab o’tganimizdek multimedia - (inglizchada. multimedia, lotincha multum - ko'p, media, medium - biror narsa to'plangan joy, vosita) - yagona axborot tizimi ko`rinishida tashkilashtirilgan,turli xil ma`lumotlar bilan dialog rejimida ishlash imkoniyatini beruvchi apparat va dasturiy vositalar kompleksi hisoblanadi.

Yuqorida ta`rifdan ko'rinadiki, multimedia - turli xil ma`lumotlarni bir butun sifatida birlashtiradi. Bu tushuncha 3 ta tushunchani o'z ichiga oladi.

Birinchidan, Multimedia - yaxlit raqamli shaklda turli xil turdagi ma`lumotlarni saqlashning yangi usullari ya'ni g'oyasi sifatida qaraladi.

Ikkinchidan, Multimedia - ma'lumotlarni saqlash va qayta ishlash uchun qurilma sifatida qaraladi, bu siz multimediani realizatsiya qilish mumkin emas.

Uchinchidan, to'rt xil turdagi ma`lumotni multimediali-ilovada birlashtirish imkoniyatini beruvchi dasturiy ta'minot sifatida qaraladi.