Livanlik ma’rifatparvar: Botrus Bo`stoniy ijodiy faoliyati”

O‘ZBEKISTON RESPUBLIKASI
OLIY VA О‘RTA MAXSUS TA’LIM VAZIRLIGI
O`ZBEKISTON DAVLAT JAHON TILLARI UNIVERSITETI

“Arab adabiyoti” fanidan

“Livanlik ma’rifatparvar: Botrus Bo`stoniy ijodiy faoliyati”

Kurs ishi
mavzusi bo`yicha

Bajardi: Tarjimonlik fakulteti

1915-guruh talabasi Eshjanov Jasur
Tekshirdi: Shahloxon Ahmedova

Toshkent-2022

MUNDARIJA:
I.Kirish…………………………………………………………………..3
Asosiy qism. Livanlik ma’rifatparvar: Botrus Bo`stoniy ijodiy faoliyati

1. 
   Arab adabiyoti yangi davr bo`sag`asida………………………………5
   
2. 
   Livanda marifatchilikning boshlanish…………………………………6
   
3. 
   Botrus Bo`stoniy hayoti va ijodi……………………………………….9
   
4. 
   “Muhid al- muhid” asari asari haqida………………………………….10
   

Xulosa…………………………………………………………………………13
Foydalanilgan adabiyotlar………………………………………………...14

Kirish
Vatanimiz Mustaqillikni qo’lga kiritgandan kеyin barcha fanlar qatori ma'naviyat, ma'rifatni targ’ib qiluvchi adabiyot faniga ham e'tibor bеrib kеlinmoqda. Zеro “Adabiyot, so’z san'ati azaldan xalq qalbining ifodachisi, haqiqat va adolat jarchisi bo’lib kеladi”, – dеb ta'kidlanadi Prеzidеnt I.A. Karimovning “Yuksak ma'naviyat – еngilmas kuch” asarlarida. Haqiqatda ham adabiyotga oshno bo’lish, odobiy-ahloqiy bilimlarni oshirish dеmakdir. Ayniqsa, Sharq mumtoz adabiyotining bir qismi bo’lgan qadimgi arab adabiyoti ham kishi ma'naviy olamini boyitishga xizmat qiluvchi ko’pdan-ko’p manbalarga ega.
Yangi davr arab adabiyoti tadqiqodchilari arab Sharqi mamlakatlarining tarixiy taqdiri va madaniyati bilan bog‘liq qator muammolarga duch keladilar.
Qadimgi va o‘rta asrlarda gullab yashnagan arab adabiyoti yangi davr bo‘sag‘asida qoloq, susaygan taraqqiyot bosqichini boshdan kechirib, ilgarilab ketgan Yevropa adabiyotining ketidan quvishga majbur bo‘ldi.
O‘rta asrlarda vujudga kelgan madaniy, adabiy umumiylikning parchalanishi va milliy adabiyotlarning shakllantirish jarayoni arab Sharqida, bir tomondan, qudratli, barqaror o‘rta asr madaniy an’analarining mavjudligi, boshqa tomondan esa, ijtimoiy-siyosiy taraqqiyotning tezlashuvi va jahon madaniyati bilan bo‘lgan aloqalarning kengayishi singari omillar ta’siri ostida sodir bo‘ldi.
Bu omillarning o‘zaro nisbati, ularning badiiy adabiyotga ta’siri darajasi va xarakteri bir xil emasdi, goh u, goh bu omil ustun kelar edi. Yangi davr arab adabiyoti an’analarning tuganmas xazinasi, voqelik va jahon madaniyatidan o‘z taraqqiyotining turli bosqichlarida har xil unsurlarni o‘zlashtirdi.
"Qayta tug'ilish" g'oyasi adabiy ijodning tili va tamoyillariga muqarrar ravishda ta'sir ko'rsatdi. Barcha ma'rifatchilar adabiy ijodning barcha asosiy turlari uchun klassik Arab tilini saqlab qolish tarafdorlari bo'lgan. Nutq tili adabiyotga - publitsistikaga va dramaturgiyaga - satiraning ifodaviy vositalaridan biriga aylandi. 20-asrning ikkinchi-uchinchi o'n yilligida realizmni shakllantirish davrida adabiyotda so'zlashuv tilining vazifalari kengayadi.
Adabiyotning ta'limiy ahamiyati tamoyiliga asoslangan yangi estetik qarashlar adabiyotda shakllana boshlaydi, yangi davrning talablariga javob beradigan yangi adabiy yo'nalishlar paydo bo'ladi va o'z navbatida, boshqa sharoitlarda va biroz tezlashtirilgan sur'atlarda burjua jamiyatining shakllanishi davrida Evropa adabiyotlarida tendentsiyalarning paydo bo'lishi va kurash jarayonini takrorlaydi.