Lingvomádeniyat

Lingvomádeniyat – mádeniyattıń verballastırılǵan kórinisi; xalıq mádeniyatın sáwlelendiretuǵın lingvistikalıq birlikler toplamı.


Til biliminde antropoсentristlik paradigma salıstırmalı-tariyxıy hám sistemalıq-strukturalıq paradigmalardan keyingi úshinshi paradigma esaplanadı. Kognitiv til bilimi, sociolingvistika, etnolingvistika, psixolingvistika, neyrolingvistika, pragmatika hám lingvokulturologiya antropoсentristlik paradigmaǵa tiykarlanǵan eń áhmiyetli tarawlar bolıp tabıladı.

Antropoсentristlik til biliminiń baslı baǵdarlarınan biri esaplanǵan lingvokulturologiya – til bilimi, mádeniyattanıw, etnografiya, psixolingvistika tarawlarınıń birliginde júzege kelgen, tildiń mádeniyat, etnos, milliy mentallıq penen óz ara qatnası hám tásirin antropoсentristlik paradigma principleri tiykarında úyreniwshi taraw.
Til – lingvokulturologiyada: mádeniyattıń ámel qılıwı, sáwleleniwi hám bekkemleniw quralı; mádeniy xabarlardı saqlaw hám áwladtan-áwladqa ótkeriw waziypasın orınlawshı hádiyse.