Lingvomádeniyat

Sociolingvistika – til hám jámiyetlik turmıs faktleriniń baylanısın izertleytuǵın til iliminiń tarawı.

Substrat – (latınsha, substrstum, shıǵındı) degen máni bildiredi. Bul atama polisemantikalıq atama bolıp, lingvistikada: jergilikli xalıq tiliniń shet el tiline tásiri, ádette xalıqtıń birinshisinen ekinshisine ótiw dáwirine tuwra keledi.

Lingvoúlketanıw – tiykarınan tilde óz kórinisin tapqan milliy realiyalardı úyrenetuǵın taraw.

Realiya – (latınsha. realis-e, realia) sózinen kelip shıǵıp haqıyqıy degen mánini bildiredi.

Etnopsixolingvistika – belgili bir dástúrge tiyisli bolǵan minez-qulıqtıń sóylew iskerliginde qalay kórinetuǵınlıǵın úyrenedi, hár túrli til iyeleriniń verbal hám verbal emes xarakterindegi ózgesheliklerdi analizge tartadı, sóylew ádebi hám «dúnyanıń reńli kartinası»n, mádeniyatlar aralıq qarım-qatnaslarda tekst lakunaların izertleydi, eki tillilik hám kóp tillilikti hár túrli xalıqlar sóylew ádebiniń ózine tán tárepi sıpatında túsindiredi.