"lingvomadaniyatning milliy xususiyatlari

Ilmiy tadqiqot mazusining dolzarbligi. Lingvomadaniyat zamonaviy tilshunoslikning eng yangi va kam tadqiq qilingan bo’limlaridan biridir. Unda til va madaniyat mutanosibligi namoyon bo’ladi. Lingvokulturologiya madaniyatshunoslik va tilshunoslik kesishgan nuqtada shakllangan til tadqiqining yangi sohasidir. Lingvokulturologiya madaniyat va tilning o’zaro aloqasini, o’zaro ta’sirini, tilda o’z aksini topgan xalq madaniyatining ko’rinishlarini tadqiq etadi. Lingvokulturo-logiya tilni madaniyatning fenomeni, tashuvchisi sifatida o’rganadi. Globallashuv, standartlashuv, integratsiyalashuv va madaniyatlarning aralashuvi yuz berayotgan hozirgi kunda turli xalqlar tili va madaniyatini o‘rganish, ularni qiyosiy tadqiq etish, lingvistika muammolarini hal qilish har jihatdan dolzarb vazifa hisoblanadi. Bu vazifani hal etish uchun har tomonlama yetuk, intellektual salohiyati yuqori, yuksak ma’naviyatli, ona tili, xorijiy tillar va madaniyatlarni mukammal egallagan va undan lingvistika sohasida samarali foydalana oladigan malakali mutaxassislarni tayyorlash lozim bo‘ladi. Ushbu magistrlik dissertasiyasi lingvokulturologiyaning milliy xususiyatlari ingliz va o’zbek tili misolida ko’rib chiqildi.
XXI asr boshlaridagi o’zaro madaniy aloqalarni, xalqlar o’rtasidagi ma’naviy integrasiyalashuv deb qarash mo’mqin. Ushbu jarayonga o’zaro aloqaning yangi to’ri sifatida to’laqonli mantiqiy yondashish, boshqa xalqlarning madaniyatiga bo’lgan munosabatni aqs ettiradi. Shuning uchun XXI asr lingvomadaniyatida namoyon bo’luvchi yangi ilmiy antroposentrik paradigma vujudga qyeldi va zamonaviy tilshunoslikning eng asosiy yo’nalishlaridan biriga aylanishiga sabab bo’ldi.
Tadqiqot mavzusining dolzarbligi: Lingvokulturologiya tilni madaniyatning fenomeni, tashuvchisi sifatida o’rganadi. Mazkur ishning dolzarbligi shundaki, tadqiqot doirasida leksik darajaning til birliklari semantikasidagi madaniyatshunoslikning tarkibiy qismlari va madaniy ma’nolar hamda milliy xususiyatlar o’rganiladi. Lingvokulturologiyaning milliy xususiyatlarini o’zlashtirish asnosida magistrant tilshunoslikning leksikologiya, leksikografiya, frazeologiya va madaniyatshunoslik kabi bo’limlarining tushunchaviy tizimi, so’zning semantik tuzilishi, leksik birliklarning turlari haqida tasavvurga ega bo’ladi. Lingvomadaniyaning milliy xususiyatlarini yoritish orqali turli tillarning milliy xususiyatlariga daxldor bo’lgan jihatlarni qayta ko’rib chiqish, bu orqali tarjima ilmi nazariyasining metodologik asoslari ochib beriladi.