"lingvomadaniyatning milliy xususiyatlari

"LINGVOMADANIYATNING MILLIY XUSUSIYATLARI
(INGLIZ VA O’ZBEK TILLARI MISOLIDA)"
Kirish
I Bob. Lingvokulturologiya zamonaviy madaniyatning antroposentrikligi va integrativligining in’ikosi sifatida
1.1 Til va madaniyat mutanosibligi hamda ularning o’zaro munosabati masalasi
1.2 Lingvistik va madaniy o’zaro ta’sirning o’ziga xos xususiyatlari
1.3 Insonning til va madaniyat rivojidagi o’rni
2 Bob. Lingvokulturologiya lingvistik tadqiqotlarning mustaqil yo’nalishi sifatida
2.1 Lingvomadaniyatning vujudga kelishi va fan sifatida shakllanishi
2.2 Lingvomadaniyatning nazariy asoslarini yaratilishi va maktablarning rivojlanishi
3 Bob. Lingvomadaniyatning milliy xususiyatlari: ingliz va o’zbek tillaridagi frazeologizmlar hamda o’xshatishlar talqinida
3.1 O’zbek va ingliz tili frazeologizmlarida lingvomadaniy xususiyatlarning milliy jihatlari
3.2 Turli lingvomadaniyatlardagi o’xshatishlar obrazli milliy tafakkur mahsuli sifatida

Xulosa
Adabiyotlar ro’yxati

Kirish
Bugungi kunda jahon hamjamiyatida o’z o’rnini tobora mustahkamlab borayotgan O’zbekistonimizda yoshlarni chet tillarini o’rganishlari uchun har jihatdan bilimli va mustaqil fikrli kishilar qilib tarbiyalash yuzasidan bir qator islohotlar amalga oshirilmoqda. XXI asr - intellektual bilimlar asrida ta’lim sohasiga investisiyalar yo’naltirishni ustuvor vazifa sifatida tanlagan mamlakatlargina yuksak taraqqiѐtga erishishi mumkin. Faqat tom ma’nodagi bilimli jamiyatgina zamonaviy tahdid va muammolarni yengib o’tishga qodir bo’ladi. Milliy va umuminsoniy qadriyatlarni uyg’unlashtirish zarurligini anglab yetgan, zamonaviy bilim, intellektual salohiyat va ilg’or texnologiyalarga ega insonlargina rivojlanish borasida o’z oldiga qo’ygan strategik maqsadlarga erisha oladi. Jamiyatda bilimli, ma’lakali va yuksak intellektga ega insonlarning mavqyeini oshirish; ta’lim va kasb-hunar dasturlarining jahondagi ta’lim, ilm-fan, texnika va texnologiyalar, iqtisodiѐt hamda madaniyat sohasidagi zamonaviy yutuqlarga muvofiqligi, ta’limni ѐshlarning kelajakdagi amaliy mehnat faoliyati bilan uzviyligini ta’minlash, ta’lim olaѐtgan o’quvchi-ѐshlar ongida umuminsoniy qadriyatlar, yuksak ma’naviyat, madaniyat va ijodiy fikrlash ustuvorligini shakllantirish, ta’limning milliy tariximiz, halq an’analari va urf-odatlari bilan mushtarakligi, boshqa halqlar tarixi va madaniyatini hurmat qilish ta’lim tizimini isloh etishning asosiy prinsiplari bo’lishi lozim.