Lingvistik tahrir xizmat markazi

O’ZBEKISTON RESPUBLIKASI
OLIY VA O'RTA MAXSUS TA'LIM VAZIRLIGI

“Tasdiqlayman”

Andijon davlat universitetining pedagogika instituti
direktori_________ prof B.M. Rasulov
______________________2022-yil
ANDIJON DAVLAT UNIVERSITETINING PEDAGOGIKA INSTITUTI
QOSHIDAGI

LINGVISTIK TAHRIR XIZMAT MARKAZI

NIZOMI
Andijon – 2022

ANDIJON DAVLAT UNIVERSITETINING PEDAGOGIKA INSTITUTI

QOSHIDAGI
LINGVISTIK TAHRIR XIZMAT MARKAZI
NIZOMI

I. UMUMIY QOIDALAR
1.1. Ushbu Nizom Andijon davlat universitetining Pedagogika instituti qoshidagi Lingvistik tahrir xizmat markazi (bundan keyin Markaz deb yuritiladi) faoliyatini belgilaydi.
1.2. Markaz o'z faoliyatida O’zbekiston Respublikasi Konstitutsiyasi va qonunlariga, qonun osti hujjatlariga, Andijon davlat universitetining pedagogika instituti ustavi hamda ushbu Nizomiga amal qiladi.
1.3. Markaz mutaxassislari lingvistik kamchilik va xatoliklarni bartaraf etishda har qaysi shaxs (rahbariyat, profyessor-o'qituvchilar, ishchi-xodimlar, talaba, ota-ona, jismoniy va yuridik shaxslar) manfaatini hisobga olgan holda yondashadi.
1.4. Markaz Andijon davlat universitetining Pedagogika instituti qoshida tashkil etilib, uning tarkibiy qismi hisoblanadi.
1.5. Markaz O’zbekiston Respublikasida faoliyat olib borayotgan yuridik va jismoniy shaxslar bilan hamkorlikda ish olib boradi. Innovatsion hamkorlik shartnomasi doirasida lingvistik xizmat ko'rsatish muayyan haq evaziga amalga oshiriladi.
1.6. Markaz o'z faoliyati yuzasidan institut Ilmiy Kengashiga bir yilda bir marta hisobot taqdim etib boradi.


II. MARKAZNING MAQSAD VA VAZIFALARI
­­1. Markaz faoliyatidan ko’zlangan maqsad professor-o'qituvchilar, doktorantlar, tadqiqotchilar, magistrantlar, talabalar va boshqa buyurtmachilarning o’qish va mehnat faoliyati davomida tayyorlanuvchi ilmiy ishlari: doktorlik dissertatsiyasi, magistrlik dissertatsiyasi (keyingi o’rinlarda MD deb yuritiladi), Bitiruv malakaviy ishlari (keyingi o’rinlarda BMI deb yuritiladi), qo’llanmalar, monografiya, maqola, tezis va boshqa turdagi ishlar matnini lingvistik (uslubiy, imloviy va ishoraviy) tahrirlash hisoblanadi.
2. Markazning vazifalari quyidagilardan iborat:
2.1. Professor-o'qituvchilar, doktorantlar, tadqiqotchilar, magistrantlar, talabalar va boshqa buyurtmachilarning yozma ishlari(doktorlik dissertatsiyalari, MD, BMI, o’quv uslubiy qo’llanma, monografiya, maqola, tezis va boshqa turdagi yozma ishlar)ni belgilangan muddatda sifatli tahrirlash.
2.2. Buyurtmachilar yuborgan materiallar matnining davlat tili qoida va talablariga, jumladan, imlo, uslubiy, grammatik va orfografik me’yorlarga mos holatda tahrirlash;
2.3. Buyurtmachilar yuborgan materiallar matni aniq va tushunarli bayon qilinganligi, so‘z birikmalari to‘g‘ri tanlanganligiga va o‘zaro to‘g‘ri bog‘langanligini tekshirish;
2.4. Buyurtmachilar yuborgan materiallar matnidagi tushuncha va atamalarning ma’nosiga muvofiq qo‘llanishini ta’minlash.