Lim vazirligi guliston davlat universiteti

Qishloq xo’jaligi. Viloyat 10,5% Respublika va 35,3% iqtisodiy rayon qishloq xo’jalik mahsulotini beradi. Makroiqtisodiyotning bu soxasida dexqonchilik ancha ustunlik qiladi va u jami qishloq xo’jaligi mahsulotining 2G’3 qismini ta’minlaydi. Andijon viloyati zimmasiga O’zbekistonda etishtirilgan g’allaning 14 foizi, kartoshkaning 9 foizi to’g’ri keladi.
2000 yilda viloyatda barcha ekin maydonlari 231 ming gektarni tashkil etgan. Shundan 86 ming gektarga g’alla ekilgan va 580 ming tonna hosil olingan (asosan bug’doy). Paxta maydonlari 106 ming gektarga teng bo’lib, 337 ming tonnadan ortiq paxta olingan, xosildorlik 31,8 tsG’ga. E’tiborga olish joizki, ushbu ko’rsatkichlarga viloyat mamlakatimizda qishloq xo’jaligi rivojlanishi og’ir kechgan yilda erishgan.
Ushbu viloyat Respublika qishloq xo’jaligi rivojlanishiga betakror, o’ziga xos yangiliklar kiritdi. 1995 yilda Xitoy mutaxassislari bilan hamkorlikda Qo’rg’ontepa tumanining «Savay» xo’jaligida ilk bor plyonka ostiga chigit qadaldi. Taxminan 20 gektar erga ekilgan ertapishar paxta navidan 40,2 tsentnerdan hosil olindi. 1996 yilda bunday ekin maydonlari 9300 gektarni tashkil etdi. 2000 — 2001 yillarda ham ana shu yangi usul tufayli Andijon viloyati O’zbekistonda birinchi bo’lib paxta planini ortig’i bilan bajardi.
Qishloq xo’jaligida foydalanadigan er maydonining anchagina qismi bog’dorchilik (19 ming ga), uzumchilik (37 ming ga) va sabzavotchilik (12 ming ga) bilan band. Ayni vaqtda kartoshka etishtirish va em-xashak maydonlari kamroq
Andijon viloyati yiliga 2600 — 2700 tonna pilla etishtiradi. Yirik shoxli mollar soni 440 ming boshdan ziyod, qo’y va echkilar 500 ming atrofida. Tabiiyki, bunday aholi zich joylashgan, dexqonchilik intensiv rivojlangan hududda chorvachilik uchun imkoniyatlar katta bo’lmaydi.
2000 yilda viloyat qishloq xo’jaligida 15 mingga yaqin ortiqcha ish kuchi bo’lmagan, 20,9 ming kishilik yangi ish o’rinlari tashkil etilgan.
Iqtisodiyot bilan bir qatorda ijtimoiy sohalar ham rivojlanib bormoqda. Viloyat aholisining markazlashtirilgan toza ichimlik suvi bilan ta’minlanish darajasi 87,7 foiz. Biroq, tabiiy gaz bilan ta’minlanish uncha yuqori emas —64,6 foiz.