Lim vazirligi guliston davlat universiteti

3-asosiy savol bayoni: O’simlik va hayvonot resurslari ham mamlakat tabiatining tarkibiy qismi sanaladi. O’zbekistonning o’simlik resurslari cho’l, adir, tog’, yaylov mintaqalarida joylashgan. Ularning 90 foizga yaqini chorva mollari uchun ozuqa hisoblanadi. Qumli va cho’l yaylovlarida yiliga o’rtacha gektaridan 3-5, adir yaylovlarida esa 8-10 tsentnerdan pichan olish mumkin. Tog’ iqtisodiy rayoni ning pichan zahirasi umuman adir iqtisodiy rayoni nikidan ko’proq bo’lib, tuproq holati, nam va qalin o’rmonli bo’lishiga qarab o’zgaradi. Shuningdek, tog’lar yovvoyi va madaniylashgan mevalarga ancha boy. Ayniqsa, O’zbekiston tog’larida tog’ olchasi, tog’ olmasi, tog’ yong’og’i, pista, do’lana, bodom, jiyda, gilos va boshqa mevalilar keng tarqalgan. Shu bilan birga tog’li hududlarda shifobaxsh o’simliklardan zira, zirk, naO’matak, kiyik o’ti va boshqalar ko’p.
O’zbekiston faunasining o’ziga xosligi, hayvonot resurslarining turlarga boyligidir. Masalan, bizda sut emizuvchilarning 97, sudralib yuruvchlarning 57, qushlarning 410, baliqlarning 70 ga yaqin turi mavjud. Tuyoqli sutemizuvchilardan jayron, sayg’oq, burama shox tog’ takasi, Buxoro bug’usi (xongul) va boshqalar "Qizil kitob"ga kiritilgan.
Teri (mo’yna)si uchun ovlanadigan hayvonlardan tulki, chiyabo’ri, bo’rsiqlar ham keng tarqalgan. O’z vaqtida mamlakatimiz hududida keng tarqalgan ayiq, qoplon, bars, qunduz, alqor (arxar) va boshqalar endilikda "Qizil kitob"dan joy olib, ularning soni ancha kamayib ketgan. Umuman, mamlakat o’simlik va hayvonot olami rang-barang bo’lib, iqtisodiy va ijtimoiy taraqqiyotning hozirgi bosqichida muhofazaga o’ta muhtoj.