Қўлёзма ҳуқуқида

Калий гидроксиднинг кимёвий хоссалари

Калий гидроксид – рангсиз, ҳидсиз, кристалл модда бўлиб, кучли гигроскопик хусусиятга эга. Кристаллар ҳаводаги намликни тортиб олиб эриши мумкин. Сувда (0⁰ С ҳароратда 49,4 % масса бирлигида эриганда катта миқдорда иссиқлик ажралади), метил спиртида (28⁰ ҳароратда 35,5 % масса бирлигида), этанолда (28⁰ ҳароратда 27,9 % масса бирлигида) яхши эрийди. Моно-, ди- ва тетрагидратлар ҳосил қилади.
Калий гидроксид кучли асос бўлиб, ишқорлар синфига мансуб. Минерал кислота ангидридлари билан (SO₂, CO_2, NO₂ ва б.) осонликча реакцияга киришиб, тузлар ҳосил қилади ва ҳаводан углерод турт оксидини ютиб, гидрокарбонатларга айланади:
КОН + СО₂ → КНСО₃
Шунингдек, КОН бошқа нордон газлар, масалан, галогенводородлар ва олтингугуртли водородлар билан осон реакцияга киришади:
КОН + НCI → КCI + Н₂О

1-жадвал

Калий гидроксид ва унинг кристаллогидратлари

Кўрсаткич	KOH	KOH⋅4H2O	KOH⋅2H2O	KOH⋅H2O
Тэр, ^0С	405	-33,5	33	150
р, Дж/(моль⋅К) С0	64,9*	-	125,5	96,2
ΔH^0 , Дж/моль эр	9,4	26,3	-	9,6
ΔH^0 , кДж/моль ҳос	-424,7	-	-1052,0	-753,5
298, Дж/(моль⋅К) S0	78,9	-	159	117

^*Куб шаклидаги модификация учун: С⁰р =49,4 Дж/(моль∗К); ΔH⁰ _возг =197,1кДж/моль

Калий гидроксид НF билан реакцияга киришиб, КF аралашмаси, калий бифторид КНF₂ ва КН₂F₃ ҳосил қилади. Углерод оксиди СО билан эса калий формиат НСООК ҳосил қилади. Калий гидроксид минерал ва органик кислоталар билан нейтралланиш реакцияларига киришиб, тузлар ҳосил қилади.

Сувсиз калий гидроксид хлор ва бром билан фақат 600⁰С ҳароратдагина реакцияга киришади.
Эриган калий гидроксид алюминий, рух, галлий, бериллий, қалай, сурьма, қўрғошинлар билан реакцияга киришиб, уларнинг оксометаллатлари КGaO₂, KSnO₂ ва бошқаларни ҳосил қилади.
Сувли эритмаларда калий гидроксид ионларга диссоциацияланади. Калий гидроксидининг сувдаги эритмаси кремний, германий, бор, шунингдек, уларнинг оксидлари ва кислоталари билан реакцияга киришиб, тузлар ҳосил қилади.