Қўлёзма ҳуқуқида

II боб бўйича хулоса

Лаборатория шароитида ишқорий металл гидроксидларини олишнинг қуйидаги усулидан фойдаланилади. Бу нисбатан қимматга тушадиган усул бўлиб, ишқорий металларни тўғридан – тўғри сув билан реакцияга киришиши ва натижада ишқор ҳосил бўлишидир. Бу усулдан NaOH, KOH, LiOH, Ca(OH)₂ ларни олишда фойдаланиш мумкинлиги аниқланди.

Ҳозирги пайтда КОН олиш жараёнлари металл анодли диафрагмали электролизёрларда амалга оширилиб, металл анодлари БГК-50/25, БГК-100 ва биполяр диафрагмали электролизёрлар, масалан ХБ1-50 ва ХБ1-75 лар қўлланиб келинмоқда.
Кейинги пайтларда электролизёрларни сўнги модел БГК-50/25 билан алмаштириш натижасида хлор ва КОН олиш технологиясининг иш қуввати янада оширилди.
БГК-100 электролизёрлари ишлаб чиқариш қуввати йилига 200-300 минг тонна бўлган йирик корхоналарда ўрнатиш кўзда тутилмоқда. БГК- 50/25 ва БГК-100 электролизёрларини асосий техник-иқтисодий кўрсаткичлари қуйидагилар: юкланиш мос равишда 50 ва 100 кВ; хлор бўйича иш унумдорлиги 1,522 ва 3,044; ишқор бўйича 1,72 ва 3,44; водород
бўйича 0,075 ва 0,09 т/сутка; ўртача кучланиш 3,4 ва 3,45 В; 1 т хлор ишлаб чиқариш учун сарфланадиган доимий ток миқдори 2680-2720 кВт ·соат; 1 т ишқор учун 2380 ва 2380 кВт ·соат; электролизёрдаги ишчи ҳароратлар бир хил 90-95⁰С ва ток бўйича 96% ни ташкил этади. Электролизёрга берилаётган намакоп сода-каустик усул билан олдиндан Са⁺² ва Мg⁺² ионларидан тозаланган бўлиши керак.
Юқоридагиларга асосланган ҳолда ушбу усуллар билан калий гидроксид олиш нисбатан арзон бўлиши ва тоза маҳсулот олиш имкониятини бериши аниқланди.

III боб. КАЛИЙ ГИДРОКСИД ИШЛАБ ЧИҚАРИШ ТЕХНОЛОГИЯСИ

1. 
   Калий гидроксид ишлаб чиқариш усуллари
   

Калий бирикмаларидан, жумладан калий гидроксидини олиш амалда жуда кам ишлатилади. Шунинг учун ҳам унинг бошқа бирикмаларидан қимматлиги билан ажралиб туради. У фақат калий гидроксиди бирикмаларининг комплекс физик-кимёвий хоссаларни намоён қиладиган ҳолатлардагина қўлланилади.

Калий гидроксидини саноатда олишнинг энг аҳамиятли усули KCl табиий тузларининг сувдаги эритмаларини электролиз қилиб олишдир. Ушбу жараён темир ёки симоб катодларидан ҳамда ионалмашиниш мембраналаридан фойдаланган ҳолда кетади. Симоб катоди билан борадиган жараён амальгамали усул деб номланиб, катод ва анод оралиғи эса диафрагмен ҳисобланади.

2.