Қўлёзма ҳуқуқида (575. 16)

2.1.-жадвал
Тошкент шаҳрининг 2019-2021-йилларда ЯҲМ ҳажми ва ўсиш суръатлари⁶²

	2019-йил		2020-йил		2021-йил
	млрд. сўм	ўсиш суръати, %да	млрд. сўм	ўсиш суръати, %да	млрд. сўм	ўсиш суръати, %да
ЯҲМ	86 126,2	108,4	97 108,0	102,4	121 829,5	114,1
Саноат	27 074,3	105,5	30 015,1	100,2	38 013,5	113,9
Қурилиш	6 972,0	135,5	8144,9	106,6	11 040,3	117,7
Хизматлар	42 621,3	106,4	49 030,2	102,8	61 158,2	113,6
Маҳсулотларга соф солиқлар	9 458,6	108,8	9 917,8	104,0	11 617,5	114,3

2.1.-жадвалдан кўриниб турибдики, 2021–йилда Тошкент шаҳри ЯҲМида энг юқори улушга эга тармоқ сифатида хизматлар соҳасини (50,2%) айтамиз. Энг кам кўрсаткич, қурилиш соҳасига (9,1%) тўғри келмоқда. Тошкент шаҳрида қишлоқ хўжалиги маҳсулотлари ишлаб чиқарилмайди, шунинг учун ҳам бошқа вилоятларга қараганда жон бошига тўғри келадиган ЯҲМ, жон бошига тўғри келадиган ўртача даромад ҳамда асосий капиталга йўналтирилган инвестицияларнинг ҳажми ҳам юқори бўлади.

Тошкент шаҳрида кичик бизнес ва хусусий тадбиркорликнинг ривожланишига эътибор қаратадиган бўлсак, агар 2018 йил якунида бу кўрсаткич 63,4 фоизни, бутун республика бўйича 59,4 фоизни ташкил этган бўлса, 2021 йил якунида бу кўрсаткич 48,1 фоизга (республика бўйича 54,9 фоиз) камайди. Шу билан бирга, Тошкент шаҳрининг бу кўрсаткичлари республиканинг бошқа вилоятлари билан солиштирганда паст ҳисобланади. 
2021 йилда кичик бизнес субъектларининг иқтисодиётга кириб бориш даражаси бўйича Давлат статистика қўмитаси томонидан таҳлил қилинган Ўзбекистоннинг 14 та вилояти (12 та вилоят, Тошкент, Қорақалпоғистон Республикаси) ичидан пойтахтимиз охиридан олдинги 13-ўринни эгаллади.
Тошкент шаҳри иқтисодиётининг деярли барча тармоқларида, ҳаттоки кичик бизнес анъанавий равишда кучли мавқега эга бўлган тармоқларда ҳам кичик бизнес улуши сезиларли даражада камайганлиги қайд этилди. Хусусан, чакана савдода кичик корхоналарнинг улуши 2018 йилда қайд этилган 74,6 фоиздан 2021 йилда 65,6 фоизга қисқарди. Бундан ташқари, қурилиш соҳасида кичик бизнес субектларининг улуши (норасмий секторни ҳисобга олмаганда) ҳисобот даврида 52,4 фоиздан 50 фоизга камайди. Саноат маҳсулотларини ишлаб чиқаришда қайд этилган кичик бизнеснинг улуши 2018 йилдаги 72,9 фоиздан 2021 йилда 36,3 фоизгача камайган. Кичик бизнеснинг улуши фақат хизмат кўрсатиш соҳасида 2018 йилдаги 32,9 фоиздан 2021 йилгача 36,7 фоизгача ошди.
Саноат соҳасида модернизациялаш кўламларини жадаллаштириш ва кенгайтириш бўйича чора-тадбирларнинг амалга оширилиши натижасида, саноат соҳасида фаолият юритаётган корхоналарда ишлаб чиқаришнинг жадал ривожланиши давом эттирилди. Тошкент шаҳридги саноат корхоналари томонидан 2021 йилда 86099,6 млрд.сўмлик маҳсулотлар ишлаб чиқарилиб, умумий ҳажмга нисбатан иқтисодий фаолият турлари бўйича саноат маҳсулотларини ишлаб чиқаришнинг улуши қуйидагича тавсифланади.
Саноат маҳсулотларини ишлаб чиқариш иқтисодиётнинг муҳим омили бўлиб, жами саноат маҳсулотлари ишлаб чиқаришнинг тоғ-кон саноати ва очиқ конларни ишлаш маҳсулотлари фаолияти саноат ишлаб чиқариш индекси 117,1 % ни, қайта ишлаш саноати 116,2 % ни, электр энергияси, газ, буғ ва кондицияланган ҳаво 79,8 %ни, сув билан таьминлаш, канализация, чиқиндиларни йиғиш ва қайта фойдаланиш бўйича хизматлар 77,7 % ни ташкил этди. Тошкент шаҳри ҳудудларида 2021 йилда саноат маҳсулотлари ишлаб чиқариш ҳажми ўзгариши кўрсаткичлари 2.2-жадвалда келтирилган.
2.2-жадвал