Қўлёзма ҳуқуқида (575. 1)

Диссертация мавзусининг асосланиши ва унинг долзарблиги. Телекоммуникация инфратузилмасининг жадал ривожланиши ва халқаро тармоқларга интеграцияланиши муносабати билан МУТнинг АХ янада долзарб бўлиб бормоқда. Лекин ҳозирги вақтда бошқа хизмат кўрсатиш сифати кўрсаткичлари (аслига тўғрилик, тезлик ва ишончлилик) учун миқдоран баҳолаш усуллари мавжуд бўлсада, МУТда АХни бундай миқдоран баҳолаш усуллари мавжуд эмас. Халқаро электралоқа иттифоқи – телекоммуникация сектори (ХЭАИ-Т) тадқиқот гурухи фаолиятининг асосий йўналишларида кўрсатиладики, АХни миқдоран баҳолашни ўрганиш мураккаб ва узоқ муддатли иш ҳисобланади, бошланғич босқичда эса услубий масалалар ва масалани декомпозициялашга диққатни жамлаш таклиф этилади. Дастлабки материал сифатида В.О. Шварцманнинг «Алоқа тизимларининг (тармоқларининг) ахборот хавфсизлиги характеристикалари ва хизматлари сифатлари характеристикаларининг ўзаро алоқаси» мақоласи таклиф этилади (Век качества, 2007 №1, 2). Бу мақолаларда маълумотларнинг яхлитлиги, МУТнинг сифат кўрсаткичларидан бири сифатида қаралади. Маълумотларнинг аслига тўғрилигидан фарқли равишда маълумотларнинг яхлитлиги кўрсаткичи ҳам тасодифий, ҳам хавфсизликка атайин таҳдидларни ҳисобга олади.
Шу муносабат билан, масаланинг долзарблиги хавфсизликка тасодифий ва айтайин таҳдидлар таъсир этганда хизмат кўрсатиш сифати кўрсаткичи сифатида маълумотларнинг яхлитлиги услубларини таҳлил қилиш ва характеристикаларини баҳолаш ҳисобланади.
Тадқиқот объекти ва предметининг белгиланиши. Магистрлик диссертация ишининг тадқиқот объекти сифатида МУТда хизмат кўрсатиш сифати ва АХ ўртасидаги ўзаро боғлиқлик танланган. Тадқиқотнинг предмети сифатида МУТда ахборот яхлитлиги характеристикаларини баҳолаш учун аналитик ва имитацион модель кўрсаткичларини бахолаш кўрилган.
Тадқиқот мақсади ва вазифалари. Бу магистрлик диссертацияси ишининг мақсади МУТда хизмат кўрсатиш сифати ва ах ўртасидаги ўзаро боғлиқлик кўрсаткичларини бахолашдан иборат. Бу ишнинг асосий вазифалари қуйидагилар ҳисобланади:
- МУТнинг АХ кўрсаткичлари ва хизмат кўрсатиш сифатининг ўзаро боғлиқлиги;
- МУТда ахборот яхлитлиги характеристикаларини баҳолаш учун аналитик модель;
- МУТда маълумотларнинг яхлитлиги характеристикаларини баҳолаш имитацион модель.