Lektsiyalar toplami

---

O`zbekstan Respublikasi Xaliq ta`lim wa`zirligi 
A`jiniyaz atindag`i No`kis ma`mleketlik
pedagogikaliq instituti 
 
 
 
«Pedagogika» fakul`teti. 
«Muzikaliq ta`lim» kafedrasi. 
4- kurs «Instrumenttaniw» pa`ninen  
 
 
 
LEKTSIYALAR TOPLAMI 
 
 
 
 
Lektor ag`a oqitiwshi A.Allanov 
 
 
 
 
 
No`kis-2012 
 

---

1.TEMA: 
INSTRUMENTTANIW PA`NI HAQQINDA TU`SINIK. 
J O B A: 
1. Kirisiw. 
2. Instrumenttaniw pa`ninin` maqseti ha`m waziypasi. 
3. Muzika ma`deniyatin rawajlandiriwda milliy xaliq saz a`spablari 
nin` a`hmiyeti.
Ha`r bir xaliqtin muzika ma`deniyatinin` rawajlaniwinda, saz a`sbaplardin` tutqan orni
u`lken a`hmiyetke iye. Muzika o`neri xalqimizdin` ma`deniyatinin` ajiralmas bo`legi
bolg`ani sebepli ata-babalarimizdan miyras bolip jetip kelgen ruwxiy du`n`yamizdin`
jalg`asi. En` a`yiemgi saz a`spablardin` biri «Qobiz» bolsa, tariyxta, xalqimizdin` a`sirler
boyi basinan keshirgen o`mirin, awir turmisin, salt da`stu`rin, pu`tkil saltanatin ko`z 
aldimizg`a elesletip, tariyxiy da`stan etip aytip tur. Sebebi qobizdin` seslerinde adamzattin`
mun`in, ha`siretin, shidamlilig`in, ma`rtligin, batirlig`in, quwanishin, uliwma hu`jdani
menen diyanatin sezesen`. Usinday etip saz a`spablardin` bizler bilmegen ka`ramatli
qa`siyetleri elege shekem adamzatti tan` qaldirip kelmekte. 
Prezidentimiz I.Karimovtin` «Ja`miyette joqari ruwxiy bayliqlardi tastiyiqlaw, milliy 
ideologiyani qa`liplestiriw, jaslardi bay madeniy miyras ha`m tariyxiy da`stu`rlerdi ja`ne 
uliwma adamzatliq durdanalardi hu`rmetlewge, 
?
atandi su`yispenshilikke ta`rbiyalaw bizin`
elimizde a`melge asirilip atirg`an barliq reformalardi belgilewshi faktor bolip tabiladi.»-
degen pikirinin` qanshelli ken`ligin, ulli xalqimizdin` ruwxiy baylig`i bolg`an muzika
ma`deniyatinin`, sonin ishinde milliy saz a`spablarin bizge shekem jetkergen a`wladlardan
a`sirler asa o`tmishden ziban berip turiwinin` o`zi kishi xaliqtin` u`lken ruwxiy qu`direti
ekenligi da`lillese, al, sol saz a`spabinin` sirtqi ko`rinisi, g`ayri nag`islari ha`m onin` 
du`zilisinin` o`zi xaliqtin` biybaha miyrasi ha`m ullilig`in sipatlap turipti. 
A`lbette ha`r bir adamnin`, o`zinin` jeti ata – babasinan, tuwg`an – tuwisqanlarinan
estelik sipatinda qa`sterlep abaylap, ko`z qarashig`inday etip tutatug`in ha`m sol adamg`a,
yamasa sol shan`araqqa baxit alip keletug`in qanday da bir qa`siyetli teberik tumari 
bolg`ani siyaqli, du`n`yadag`i ha`r bir xaliqtin` o`tmishin, tariyxin, sol xaliqtin`
psixologiyasin, sonin` menen birge salt da`stu`rin o`zine sin`dirgen ha`m sol millettin` bir
perzenti siyaqli millet tariyxina jan endirgen saz a`sbaplari boladi. MISALI: Rus
xalqinda balalayka, jaleyka, domra, gusli, volinka, bayanlar, Qitay xalqinda ban`xu,