Lektsiya teksti Defektologiya (Logopediya) bakalavr ta`lim bag`dari 1-kurs ushin mo`lsherlengen Du`ziwshi

Mektepke shekemgi tayarlaw toparı.(6 jastan 7 jasqa shekem bolg`an balalar)

So`zligi. Mektepke shekemgi tayarlaw toparı balalarının` so`z baylıg`ı 5000-5500 so`zge jetedi. Bul so`zler a`tiraptag`ılar menen baylanısta tez-tezqollanılatug`ın so`zler. Balalardın` so`z baylıqları qa`nshelli u`lken bolsa da, bazıda olar u`lkenler menen qatnasta bul so`zlerden ju`da` kem paydalanadı. Bunın` sebebi olar aktiv so`zliginin` sheklengenliginen. Ayırım balalar tilinde so`zlerden orınsız paydalanadı, o`z pikirlerin bayan etiwde so`zlerdin` ma`nisin buzıp, nadurıs aytadı. Bazı hallarda balalar so`zligi kereksiz so`zler menen bayıp baradı. Ta`rbiyashı mine usınday hallarg`a ju`da` itibarlılıq penen qarawı, olar menen islesken waqıtta paydalı so`zlerdin` artıp barıwına ha`reket qılıwı, olardın` so`zligine tu`siniwi an`sat bolg`an, ma`nisi jag`ınan jaslarına say ha`m ku`ndelik o`mirlerinde ha`r dayım qollanılatug`ın so`zler kiritiliwi sha`rt. Bunnan tısqarı, ta`rbiyashı balalardı o`z so`z baylıqlarınan ken` paydalanıwg`a, kerekli so`zlerdi tez taba alıwg`a u`yretip barıwı za`ru`r.