Lekciya №1 Tema: Ómir qáwipsizligi páninin maqset ham waziypalari rej e

 
2. Kárxana 
qániygeleri hám basshı adamlardıń huqıqı hám wazıypaları. 
 
Sanaat kárxanalariniń bas qániygelerine miynetti qorǵaw boyınsha tómendegi 
wazıypalar júkletilgen: 
•
jańa jumısqa qabıl qılınıp atırǵan adamlar menen kirisiw (ulıwma) instruktajdı 
ótkeriw; 
•
islep shıǵarıw processin mexanizatsiyalastırıw hám avtomatlastırıw, qáwipli 
shegaralarda arnawlı qorǵanıw maslamaların shólkemlestiriw; 
•
nasaz, iske jaramsız mashinalardı qollanbaw hámde jumısshılardı salamatlıǵı ushın 
qáwipli ushastkalarda jumıs islemewin qadaǵalaw; 
•
kárxananiń hámme bólimlerinde záhárli ximikatlardı isletiwde texnika 
qáwipsizligi qaǵıydaların, sanitariya talapların, miynetti qorǵawǵa tiyisli qaǵıydalar hám 
normativler, jol-jobalardıń hámde buyrıqlardıń orınlanıwın támiyinlew. 
•
islep shıǵarıwda payda bolǵan baxıtsiz hádiyseler sebeplerin tekseriw hám analiz 
qılıw. 
Miynetti qorǵawdıń basqarıw sistemasınıń tiykarǵi wazıypaları tómendegilerden 
turadı: miynetti qorǵaw máselelerin xızmetkerler arasında túsindiriw hám jumısshılarǵa 
qáwipsiz miynet etiw jaǵdayların oqıtıw, islep shıǵarıw úskenelerin, islep shıǵarıw 
protsesslerin, imarat hám binalardıń qáwipsizligin támiyinlew; sanitariya-gigienalıq 
miynet sháriyatların normalastırıw; jumısshılardı jeke qorǵanıw quralları menen 
támiyinlew; jumısshılarǵa eń qolaylı dem alıw hám islew jaǵdayların jaratıp beriw; 
jumısshılardıń emleniw-profilaktika xızmetin shólkemlestiriw; ayırıqsha qániygelikler 
boyınsha jumısshılardı kásibine qaray tańlaw ótkeriw; jumısshılarǵa sanitariya-sotsiallıq 
xızmet kórsetiwden ibarat.