Laboratoriyalıq jumıs №8 Tema: 3ds-max programmasında túrli obyektler hám processlerdi modellestiriw. Jumıstıń maqseti

Laboratoriyalıq jumıs № 8

Tema: 3DS-MAX programmasında túrli obyektler hám processlerdi modellestiriw.
Jumıstıń maqseti: Talabalardı 3DS-MAX programmasında túrli obyektler hám processlerdi modellestiriw usılları menen tanıstırıw, túrli modifikatorlar menen islesiwdi úyretiw.
Metodikalıq kórsetpeler: Lekciya teksti hám ádebiyatlar.
Teoriyalıq bilimler.

Modellestiriw bul úsh ólshemli grafikanı jaratıwdıń eń birinshi basqıshı esaplanadı. 3ds max programmasında obyektlerdi modellestiriw degende túrli figuralardı jaratıw túsiniledi. Elementar geometriyalıq figuralardı jaratıwdan tartıp obyektlerge túrli modifikatorlardı qollaw modellestiriwdiń tiykarǵı funkcionallıǵın quraydı.

Modifikatorlar dep 3ds maxta obyektlerge qollanılatuǵın arnawlı operaciyalar túsiniledi. Hár bir modifikator arnawlı atamaǵa iye bolıp, olar obyektti qosımsha qásiyetler menen tolıqtıradı. Modifikatorlardı qollawdıń qolaylıq tárepi sonnan ibarat, bir obyektke bir neshe modifikatorlardı qollay alamız, olardıń obyektke tásiriniń izbe-izligin ózgerte alamız, qayta sazlap, óshire alamız. Modifikatorlar menen jumıs alıp barıw ushın Modify dep atalǵan vkladkide jaylasqan modifikatorlar steginen paydalanamız (1-súwret).

Modifikatorlar steginiń elementleri:

1. 
   Komandalar paneliniń (Command Panel) Modify vkladkası.
   
2. 
   Barlıq modifikatorlar dizimi. Belgilep alınǵan obyektke modifikatordı qollanıw ushın dizimdi ashıp, sol dizimnen kerekli modifikatordı tańlaymız.
   
3. 
   Obyektke qollanılǵan modifikatorlar dizimi. 1-súwrette Cylinder primitivi jaratılǵanlıǵı hám oǵan Bend modifikatorı qollanılǵanı kórinip tur.
   
4.