Laboratoriya mashg‘uloti

A[1..5,1..4] butun sonli ikki o‘lchamli massivning oxirgi ustuni elementlarini kamaish tartibida joylashtiruvchi dastur tuzing.

A(4-satr, 3-ustun) matritsada birinchi va uchinchi ustundagi eng katta elementlar joyini almashtiruvchi dastur tuzing.

PASCALDA GRAFIKA².
Graph qо‘shimcha kutubxona funksiyalaridan foydalanamiz. Graph - “graf” kabi о‘qilib grafika sо‘zining qisqartmasidir. Dasturning birinchi satrida USES Graph kabi yozsak u holda Pascal dasturi bizning ixtiyorimizga ekranda turli rangli va rangsiz shakllar chizish, shakllar ustida turli amallarni bajarish uchun qator protsedura va vositalarni havola etadi. Bu imkoniyatdan foydalanib foydalanuvchi turli shakllar chizish va ularni ekran bо‘yicha harakatga keltirishi mumkin. Demak, foydalanuvchi ma’lum hajmdagi kompyuter о‘yinlarini yaratishi va undan foydalanishi mumkin.
Matn va grafik rejimlar.
Monitor bilan ishlash uchun kompyuterning ikki rejimi (usuli) mavjuddir.

• 
  Matnli rejim;
  
• 
  Grafik rejimi.
  

Dasturning ixtiyoriy joyida siz bir rejimdan ikkinchisiga buyruq asosida bemalol о‘tishingiz mumkin.
Matnli rejim ekranga matnli va sonli ma’lumotlarni chiqarishga xizmat qiladi. Matnli rejimda ishlashda odatda kompyuter ekranni 25 satr va 80 ustunga ajratilgan deb qabul qiladi. Boshqacha о‘lchamda ham bо‘lishi mumkin. Hosil bо‘lgan har bir katakchaga faqat bitta simvol joylashtiriladi. (Simvol - harf, son, tinish belgilari va boshqalar). Matnli rejimda tasvirlar chizish va ularni namoish etish imkoni mavjud emas.
Grafik rejimda ishlashda kompyuter ekranni kо‘p sonli kichik piksellarga ajratilgan deb qaraydi. Bu katakchalarning har biri matnli rejimdagi katakchadan ancha kichik bо‘lib, grafik rejimda foydalanuvchi shakllar chizish hamda simvollarni kiritishi ham mumkin.