Laboratoriya mashg’uloti №27 Mavzu: Vodorodning qaytaruvchanlik xossalari. Molekular va atom holidagi vodorodning aktivligini solishtirish. Vodorod peroksid va xossalari

Vodorod peroksidining qaytaruvchilik xossalari

1-tajriba. Probirkaga 2-3 ml AgNO₃ eritmasidan quying va tomchilatib ammiak eritmasidan hosil bo‘lgan loyqa yo‘qolguncha (ortiqcha quymang) quying. Hosil bo‘lgan eritmaga 3%li H₂O₂ eritmasidan kumush cho‘kmasi hosil bo‘lguncha quying. Chiqayotgan gazni cho‘g‘langan cho‘p bilan sinab ko‘ring. Reaksiya tenglamasini yozing.

74-rasm . Vodorodning qaytaruvchilik xossalarini o‘rganish uchun asbob.

2-tajriba. Probirkaga 1 ml kons. KMnO₄ eritmasidan, 2 ml H₂SO₄ eritmasidan va 1-2 ml H₂O₂ eritmasidan quying. Chiqayotgan gazni cho‘g‘langan cho‘p bilan tekshiring. Eritma rangining o‘zgarishiga e’tibor bering. Reaksiya tenglamasini yozing. O‘tkazilgan reaksiyada H₂O₂ qanday vazifani bajaradi.

4. 
   Vodorod peroksidi bilan oqartirish
   

1-tajriba. Ozgina rangli jun matoning yog‘larini ketkazish uchun ishqor eritmasi bilan ishlang va 3%li vodorod peroksidi eritmasi bo‘lgan idishga tushiring. Vaqt o‘tishi bilan mato rangining o‘zgarganiga e’tibor bering.

5. 
   Natriy peroksidining oksidlovchilik va qaytaruvchilik xossalari
   

1-tajriba. Bitta probirkaga 3-4 ml KJ eritmasidan, ikkinchisiga KMnO₄ eritmasidan quying. Ikkala eritmada ham sulfat kislota yordamida kislotali muhit hosil qiling va ikkalasiga ham tekis qoshiqcha yordamida ozgina Na₂O₂ soling. Ikkala eritma rangining o‘zgarishiga e’tibor bering. Ikkinchi probirkada ajralayotgan gazni cho‘g‘langan cho‘p bilan tekshiring. Ikkala reaksiyaning tenglamalarini yozing va har ikki holda ham natriy peroksid oksidlovchi yoki qaytaruvchi vazifasini bajarganligini e’tiborga oling.