Laboratoriya jumıs №1

Virus antigenleri. Ha`r bir virion bir neshe antigenge iye. Olardan biri virusqa ta`n bolsa, ekinshisi kletka qabıg`ı quramına xojayın kletkası komponentleri (lipid, beloklar) kiriwi esabınan payda boladı.
S- antigen (angl. solutio -eriwshen` ) - ximiyalıq quramı ribonukleoproteid yamasa dezoksiribonukleoproteidlerden du`zilgen bolıp, jaqsı eriydi.
V – antigen gemagglyutinin ha`m neyrominidaza fermenti quramına kiredi. Bul antigen viruslardın` sırtqı qabıg`ında jaylasqan. Gemagglyutinin viruslardag`ı antigen arnawlılıg`ın (spetsifichnost`) ta`minleydi. Bul antigendi gemAgglyutinaciya, gemadsorbtsiya ha`m gemAgglyutinaciyanı tormozlaw reakciyaları ja`rdeminde anıqlaw mu`mkin.
Joqarıda ko`rsetilgen virus antigenleri, toparg`a (bir semeystva yamasa a`wladtın` ha`r xil tu`rlerinde) ha`m tu`rge ta`nlikti (bir tu`rge tiyisli ha`r tu`rli shtammlarda) ta`minleydi, virus tu`rlerin ajıratıp alıwda olardın` a`hemiyatı ju`da` u`lken.
Sanap o`tilgen antigenler menen bir qatarda viruslarda xojayın antigenleri ha`m ushıraydı. Ma`selen, agar gripp virusı tawıq embrionının` allontois qabıg`ında o`sirilgen bolsa, tek sol qabıq antigenlerine qarsı zardaplar menen reakciyag`a kirisedi.
Antitelolar
Plazmatik kletka ha`m V-limfotsitler ta`repinen antigen ta`sirinde sintez qılınıp, sol antigen menen arnawlı birlese alatug`ın qan plazması belokları (glikoproteidlar)ge immunoglobulinlar (Ig) yamasa antitelolar dep ataladı. Elektroforezdegi ha`reketshen`ligi boyınsha olar gamma-globulinlar toparına tiyisli. Du`zilisi ha`m wazıypaları boyınsha adam ha`m basqa omırtqalılar antiteloları birdey, lekin antitelolardın` adamda 5 klası ta parıqlansa, ha`r tu`rdegi haywanlarda u`shewden – altıg`a shekem bolıwı mu`mkin.
Antitelolar 4 tu`rli qa`siyetke iye: arnawlılıq , valentlik, affinitet ha`m avidlik. Antitelolar arnawlılıg`ı – immunoglobulinlerdin` tek g`ana gomologik antigenler menen ta`sirlese alıwı, yamasa antigen determinantaları (epitoplar)g`a qarsı antitelolarda determinantalar (paratoplar) bar ekenligi.