Laboratoriya jumıs №1

Viruslardı indikatsiya qılıw usılları. Virusologiyalıq a`meliyatqa kletka kul`turalarının` kirip keliwi , aldın belgisiz bolg`an ko`plep kesellik qozg`atıwshı viruslardı ajıratıp alıw ha`m olardı identifikatsiya qılıw imkaniyatların ashıp berdi. Qazirgi ku`nde har bir viruslar ushın sezgir kletka kul`turaların tan`law imkaniyatları bar.
Virustın` kletkag`a tsitopatologik ta`siri (effekti). Viruslardın` kletka kul`turasında ko`beyip atırg`anlıg`ı (reproduktsiyası), olardın` kletkag`a TsPT tiykarında mikroskop astında ko`riw menen anıqlanadı ha`m morfologiyalıq o`zgerislerdin` payda bolg`anlıg`ına qarap bahalanadı. Bunda olardın` bir bo`legi o`lip, probirka diwalınan ko`shedi. Ayırım kletkalardın` jemiriliwi aqıbetinde
ajıralıp shıqqan viruslar basqa kletkalarg`a jug`adı. Ma`lim waqıtdan son` bul kletkalar ha`m o`ledi. Na`tijede bir qabatlı kletka qatlamı ornında jeke- jeke kletkasız zonada kletka aralshaları payda boladı. Tu`rli viruslar payda qılg`an (TsPT) nın` xarakteri birdey emes. Bir tu`rdegi viruslar (poliviruslar, Koksaki ha`m basq.) mayda danadoa birdey tipdegi kletka destruktsiyasını keltirip shıg`aradı oshaqlı mayda danadar destruktsiyanı (gripp, kene entsefaliti) virusları, u`lken danadar birdey ko`rinisdegi destruktsiyanı (gerpes) viruslar, simplast ko`p yadrolı kletkalardı ( retroviruslar, morbiloviruslar, respirator-sintsitial) viruslar keltirip shıg`aradı. Viruslardın` TsPT a`meliyatda viruslardın` birlemshi indikatsiya qılıwda ha`m aldınnan diagnoz qoyıwda qollanıladı.
Viruslardın` kletkada kiritpeler payda etiwi. Ko`pshilik viruslar kletkaalarda ko`beygende kletkada ilgeri gu`zetilmegen kiritpeler payda etiwi mu`mkin. Ma`selen qutırıw virusi nerv kletkalarının` tsitoplazmasında eozinofilli kiritpeler payda etedi (Babesh-Negre deneshesi), virus nukleokapsidlerin tsitoplazmada (yadro aldında) jıynalıp qalıwı na`tijesinde gu`zetiledi. Shın sheshek virusı xojayın kletkasının` tsitoplazmasında ko`beyedi ha`m tsitoplazmada iri kletkalar ha`m olardın` tsitoplazmasında Gvarnieri deneshelerin payda etedi. Jaqtılıq mikroskopında ha`m anıqlaw mu`mkin.