Laboratoriya ishi

p1, p2 – berilgan elementni tuzilmaning boshqa elementlari bilan bog’lanishini ko’rsatuvchi ko’rsatkichlar.

Eng ko’p tarqalgan dinamik tuzilma – bu bog’lamli ro’yxatlar hisoblanadi. Ro’yxatlar mantiqiy tasvirlanish nuqtaiy nazaridan ikkiga ajratiladi: chiziqli va chiziqsiz ro’yxatlar. Chiziqli ro’yxatlarda bog’liqlik qat’iy tartiblangan bo’ladi. Berilgan element ko’rsatkichi o’zidan keyin keluvchi element adresini ko’rsatadi yoki aksincha.

Umumiy holda ro’yxat elementi qiymat (axborot) maydoni va bir yoki bir nechta ko’rsatkichlar maydonidan tashkil topadi.

Bir bog’lamli ro’yxatlar. Bir bog’lamli ro’yxat deb elementlarni shunday tartiblangan ketma-ketligiga aytiladiki, har bir element 2 ta maydonga: axborot maydoni (info) va ko’rsatkich maydoni (ptr)ga ega bo’ladi. Bir bog’lamli ro’yxat elementi ko’rsatkichining o’ziga xosligi shundan iboratki, u faqatgina ro’yxatning navbatdagi (o’zidan keyin keluvchi) elementi bilan bog’lanish adresini ko’rsib turadi. Bir tomonlama yo’naltirilgan ro’yxatda eng so’ngi element ko’rsatkichi bo’sh, ya’ni nil qiymatiga ega bo’ladi (2.2.2-rasm).

2.2.2-rasm. Bir bog’lamli ro’yxatning umumiy ko’rinishi

2.2.2-rasmda Lst – ro’yxat boshi ko’rsatkichi. U ro’yxatni yagona butun tuzilma sifatida ifodalashga xizmat qiladi. Ba’zan ro’yxat bo’sh bo’lishi ham mumkin, ya’ni ro’yxatda bitta ham element bo’lmasa Lst=nil bo’ladi.