Laboratoriya ishi qoidalari

Mavzu yuzasidan nazorat savollari

1. 
   Kimyo sanoatida suvdan foydalanishning asosiy yo`nalishlarini ko`rsating. Misol keltiring.
   
2. 
   Kimyo sanoatida suv resurslaridan ratsional foydalanish deganda nimani tushunasiz?
   
3. 
   Suv aylanishi nima va u qaysi maqsadda ishlatiladi?
   
4. 
   Texnologik suvlarga qo`yiladigan talab nimalardan iborat?
   
5. 
   Texnologik suvni tayyorlash jarayonining asosiy bosqichlarini ayting.
   
6. 
   Suvni qattiqligi nima va uni yo`qotishning qanday usullari mavjud?
   
7. 
   Ion almashinuv usulida suvni yumshatish jaroyoni nimaga asoslangan?
   

6-Laboratoriya ishi
KUCHSIZ KATIONITNING SINTEZI
Ishdan maqsad: karboksil guruhlar tutgan kuchsiz kationit olish.
Jihozlar: Uch ogizli tagi dumaloq kolba, mexanik aralashtirgich, teskari sovutgich, tomizgich voronkasi, suv hammomi, elektroplitka, shishali filtr.
Reaktivlar: metakril kislotasi, benzoil peroksid, divinilbenzol, osh tuzining 10 va 20% li eritmalari, HCI ning 2 n eritmasi, polivinilspirtining 2%li suvdagi eritmasi.
Ishning bajarilishi, tomizgich voronka, teskari sovutgich va mexanik aralashtirgich bilan jihozlangan uch ogizli tagi dumaloq kolbaga osh tuzining 20% li eritmasidan 50 ml, polivinilspirtining 2% li eritmasidan 0,5 ml quyiladi. Aralashmani suv hammomida aralashtirib turib 80°S darajagacha qizdiriladi (unda hammomning darajasi 90°S ni tashkil qiladi). So‘ng tomizgich voronkadan asta sekin 0,1 g benzoil peroksid va 0,1 ml divinilbenzol qo‘shilib eritilgan megakril kislotasidan 5 ml qo‘shiladi. Eritmani 2 soat ko‘rsatilgan darajada qizdiriladi va reaksiya to‘xtatiladi. Hosil bo‘lgan mayda donador polimer eritmadan ajratiladi va shisha filtrda to‘liq N-ko‘rinishga o‘tkazish uchun 200 ml 2 n HCI bilan ishlanadi va oqib tushayotgan suvda neytral muhit hosil bo‘lguncha distillangan suvda yuviladi. Polimer filtr qog‘oz ustida, havoda bir necha soat doimiy vaznga ega bo‘lguncha quritiladi.